Režysior paradaŭ na 3 Lipienia viartaje ŭznaharody i zvańni ŭ znak pratestu
Viačasłaŭ Panin — mastacki kiraŭnik Maładziožnaha teatra estrady. Taksama jon ažyćciaŭlaŭ pastanoŭku masavych dziaržaŭnych śviataŭ, naprykład, paradaŭ na 3 Lipienia, adkryćcia Čempijanata śvietu pa chakiei ŭ Minsku.
U suviazi z apošnimi palityčnymi padziejami Viačasłaŭ Panin apublikavaŭ rezki list. Nahodaj dla jaho stała masavaje hanaravańnie ŭradavymi ŭznaharodami siłavikoŭ.
Łukašenka ŭznaharodziŭ siłavikoŭ miedalami za biezdakornuju słužbu
«Cynizm ułady zaškalvaje. Pryznajusia, heta abraźliva dla mianie. Ja nie chaču stajać u adnym šerahu ź ludźmi, jakija ŭčora źniščali i kalečyli moj narod. Ja vychodžu z hetaha šerahu, — piša Panin.
Ja rablu krok napierad i stanaŭlusia ŭ adzin šerah z Łatuškam i ŭsimi kupałaŭcami, ludźmi sumlennymi, pryncypovymi i sapraŭdnymi hramadzianami svajoj krainy.
Ja viartaju ŭłady hetuju kupku, jak ich iranična nazyvała Faina Ranieŭskaja, «pachavalnych pryładaŭ». U kantekście siońniašniaha dnia hetaja ironija nabyvaje padvojny złaviesny sens.
Ja viartaju zvańnie «Zasłužany dziejač mastactvaŭ», miedal Francyska Skaryny i inšyja mienš značnyja miedali i znaki adroźnieńnia. Heta moj hramadzianski ŭčynak i inačaj u dadzienym vypadku ja pastupić nie mahu.
I jašče tamu, što patryjatyzm dla mianie nie pusty hrukat ideałahičnaj brazhotki, a adkaznaść i pavaha da svajho naroda.
Ja ni ŭ jakim razie nie zaklikaju pierajmać moj prykład, ale razam z katami ja nie mahu i nie chaču znachodzicca ŭ adnym šerahu. Znaki adroźnieńnia i dakumienty na ŭznaharody ja viarnu ŭ Ministerstva kultury ŭ najbližejšy čas.
Hramadzianin svajoj krainy Viačasłaŭ Panin».
Fota na hałoŭnaj staroncy z fejsbuka Viačasłava Panina.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary