Biełstat apublikavaŭ tryvožnyja źviestki ab roście zapazyčanaści biełaruskich pradpryjemstvaŭ. Taksama paśla adnosnaha zacišša ŭ sakaviku popyt na zamiežnuju valutu na Biełaruskaj valutna-fondavaj biržy znoŭ pačaŭ značna pieravyšać prapanovu.
Biełstat apublikavaŭ tryvožnyja źviestki ab roście zapazyčanaści biełaruskich pradpryjemstvaŭ. Taksama paśla adnosnaha zacišša ŭ sakaviku popyt na zamiežnuju valutu na Biełaruskaj valutna-fondavaj biržy znoŭ pačaŭ značna pieravyšać prapanovu.
Heta moža być znakam novaha nazapašvańnia finansavych prablemaŭ u biełaruskaj haspadarcy, abciažaranaj usio bolšym deficytam zamiežnahandlovaha bałansu i padtočanaj niedavieram da nacyjanalnaj valuty.
Na tarhach 10 i 15 krasavika abodva dni popyt na dalary pieravyšaŭ prapanovu na 24 miljony, 8 krasavika — na 17 młn. Siońnia, 16 krasavika, roźnica skłała amal 11 miljonaŭ. Astatnija dni apošniaj dekady popyt prykładna raŭniaŭsia prapanovie.
Takija nažnicy amal adpaviadajuć najhoršym dla zołatavalutnych zapasaŭ Nacbanku pramiežkam kanca 2008 hodu.
Kurs dalara na praciahu apošniaha miesiaca vahajecca niaznačna, składaje na 16 krasavika 2826 rubloŭ. Niaźmiennymi zastajucca i suadnosiny rubla z valutnym košykam.
Aleju ŭ ahoń valutnaha rynku, niesumnienna, padlije i ŭčorašniaja acenka Pucina, što kredytnaja zapazyčanaść Biełarusi dasiahaje pahroźlivych pamieraŭ. Hetaje vykazvańnie maje asablivaje značeńnie, kali ŭličyć, što Rasija apošnija 15 hadoŭ była asnoŭnym donaram i kredytoram Biełarusi. Pavodle acenki pasła Rasii ŭ Biełarusi Surykava, u 2008 hodzie pamier tolki enierhietyčnaj datacyi dasiahnuŭ 11,5 młrd dalaraŭ. Pavodle acenak MVF, u 2009 hodzie Biełaruś maje patrebu ŭ 10,7 młrd dalaraŭ zamiežnych kredytaŭ dla vykanańnia svaich finansavych zabaviazańniaŭ pierad nasielnictvam i zamiežnymi partniorami.
Usie 2000-ja hady Biełaruś padtrymlivała vysokija dziaržaŭnyja vydatki, u vyniku čaho na siońnia zołatavalutnyja zapasy krainy ŭ praporcyi da VUP najnižejšyja u rehijonie Centralnaj i Ŭschodniaj Jeŭropy.
16 krasavika Biełstat apublikavaŭ čarhovyja tryvožnyja źviestki: zapazyčanaść biełaruskich pradpryjemstvaŭ pa kredytach i pazykach na 1 sakavika 2009 hodu skłała 42,54 trłn rubloŭ i pavialičyłasia proci 1 sakavika 2008 hodu ŭ 1,5 razu. Praterminavanaja zapazyčanaść za toj ža pieryjad vyrasła na 47,4% da 633,27 młrd. rubloŭ.
I pieršaja, i druhaja ličba značna pieravyšajuć i temp inflacyi, i pracent devalvacyi rubla adnosna dalara i jeŭra.
Kamientary