Kamanda KVZ ź Minska «Dzieci Ćjurynha» admoviłasia praciahvać vystupy ŭ rasijskaj Vyšejšaj lizie 2020 hoda. Niepieraadolnaj pieraškodaj dla humarystaŭ z BDU akazałasia miesca praviadzieńnia čverćfinału — Krym.
Svaju admovu kamanda abhruntavała tryma pryčynami, pra jakija raskazała ŭ videa, vykładzienaje «UKantakcie». Pa-pieršaje, byŭ nazvany karanavirus.
Druhoj pryčynaj nazvali status Kryma. Kapitan kamandy raspavioŭ, što Biełaruś prytrymlivajecca niejtralitetu ŭ pytańni prynaležnaści paŭvostrava, tamu trapić tudy «Dzieci Ćjurynha» mohuć tolki praz Ukrainu. Heta składana praz karanavirus. Šlach praz Rasiju biełarusy paličyli nieprymalnym, pakolki členy kamandy majuć svajakoŭ va Ukrainie, a zajechać tudy paśla KVZ jany ŭžo nie zmahli b z-za trapleńnia ŭ čorny śpis.
Padobnaj była i treciaja pryčyna — BDU maje partnioraŭ siarod navučalnych ustanoŭ Ukrainy, i paśla pajezdki ŭ Krym suviazi mahli b parušycca, paličyli ŭ kamandzie.
Pry hetym «Dzieci Ćjurynha» paviedamili, što atrymali harantyi viartańnia ŭ Vyšejšuju lihu KVZ u nastupnym siezonie.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary