1) Nivodzin z kandydataŭ u prezidenty Polščy i nivodzin ź blizkich da ich palityčnych aktyvistaŭ nie byŭ aryštavany ni pierad vybarami, ni paśla ich.
2) Jaŭka na vybarach u Polščy skłała 69%. Nichto tam nie zahaniaje na hałasavańnie i tym bolš na daterminovaje hałasavańnie.
3) Naziralniki ŭ Polščy majuć prava sačyć za padlikam hałasoŭ i rabić kopii pratakołaŭ.
4) U Polščy svabodna pravodziacca niezaležnyja ad dziaržavy sacyjałahičnyja daśledavańni, i pravodziać ich kankurujučyja arhanizacyi, jakim nie treba dla hetaha atrymlivać licenzij u struktur, pryznačanych dziejnym prezidentam. Ich vyniki z dakładnaściu da 1—2% supadajuć z vynikami vybaraŭ.
5) Vybary ŭ Polščy prajšli ŭ haračaj palemicy miž kansiervatarami i libierałami. Palityčnaja palaryzacyja dasiahnuła maksimumu, ale nijakich palityčnych represij niama.
6) U pieršaj pramovie paśla zakryćcia ŭčastkaŭ dla hałasavańnia prezident Polščy zaprasiŭ svajho supiernika z žonkaj na sustreču ŭ rezidencyju prezidenta.
7) U prezidenta Polščy ŭsiaho tolki 6 rezidencyj, uklučajučy budynak Kancylaryi (adpaviednik našaj Administracyi), prytym što Polšča ŭ 4 razy bolšaja pa kolkaści nasielnictva za Biełaruś.
8) 30 hadoŭ tamu Polšča i Biełaruś vychodzili z adnaho sacyjalistyčnaha łahiera. Polšča vybrała budaŭnictva nacyjanalnaj dziaržavy, Jeŭrasajuz i demakratyju. Alaksandr Łukašenka paśla 1994 hoda viarnuŭ savieckija asnovy, stvaryŭ sajuz z Rasijaj i pabudavaŭ režym asabistaj ułady. Na siońnia dachod siaredniaj polskaj siamji prykładna ŭ 3 razy pieravyšaje dachod siaredniaj biełaruskaj siamji.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary