Ci moža Babaryka być kandydatam u prezidenty, kali jaho aryštujuć? Tłumačym
Padziei vakoł asoby Viktara Babaryki vyklikali šmat pytańniaŭ. Kali dopyt u DFR usio ž skončycca zatrymańniem ci navat aryštam, to ci zmoža eks-bankir być zarehistravanym kandydatam u prezidenty? Pra heta «NN» spytała ŭ palitołaha Juryja Čavusava, adnaho sa śpiecyjalistaŭ u vybarčym pravie.
Čytajcie taksama
Pieratrus adbyvajecca ŭ domie Babaryki FOTY
Babaryka: My pryniali miery, jakija dazvalajuć dajści da vybaraŭ
Babaryka pra admovu ŭ rehistracyi: Ujavicie, što na padaču skarhi pryjdzie 300 tysiač čałaviek
«U zakonie zabarony niama. Jość abmiežavańnie adnosna taho, chto moža vyłučacca kandydatam u prezidenty. U artykule 57 Vybarčaha kodeksu prapisanyja patrabavańni da kandydata ŭ prezidenty: «Prezidentam moža być abrany hramadzianin Biełarusi pa naradžeńni, nie maładziejšy za 35 hadoŭ, jaki maje vybarčaje prava i pastajanna pražyvaje na terytoryi Biełarusi nie mienš za 10 hadoŭ niepasredna pierad vybarami».
Nijakaj zabarony nakont taho, što čałaviek znachodzicca ŭ statusie zatrymanaha ci padazravanaha pa niejkaj kryminalnaj spravie — niama.
U artykule 4 Vybarčaha kodeksa «Usieahulnaje vybarčaje prava i prava na ŭdzieł u refierendumie» napisana, što ŭ vybarach nie ŭdzielničajuć «hramadzianie, pryznanyja sudom niedziejazdolnymi, asoby, jakija ŭtrymlivajucca pa vyrakach suda ŭ miescach pazbaŭleńnia voli».
Ujavim sabie tearetyčnuju situacyju, što biełaruski režym da momantu vybaraŭ pravioŭ sud i prysudziŭ pakarańnie ŭ vyhladzie pazbaŭleńnia voli hramadzianinu, jaki zarehistravany ŭ jakaści kandydata. Tolki paśla ŭstupleńnia ŭ siłu prysudu (razhladu skarhi) hety čałaviek nie moža bolš udzielničać u vybarach u jakaści kandydata.
Hałasavać ža na vybarach nie mohuć i tyja ludzi, jakija znachodziacca ŭ SIZA. Kali, skažam, spadara Babaryku da dnia vybaraŭ kinuć u SIZA, to jon hałasavać nie zmoža, ale kandydatam być moža», — patłumačyŭ Juryj Čavusaŭ.
Raniej padobnych vypadkaŭ u biełaruskaj vybarčaj sistemie nie było. Na vybary-2006 vyłučaŭsia pradprymalnik i eks-deputat Siarhiej Skrabiec, jaki byŭ u SIZA. Jahonaja inicyjatyŭnaja hrupa ŭ składzie 143 čałaviek była zarehistravanaja, ale prysud byŭ vyniesieny jašče da momantu rehistracyi kandydataŭ. Dy i patrebnyja 100 tysiač podpisaŭ kamanda Skrabca tady nie sabrała.
Takim čynam, farmalna zatrymańnie imaviernaha kandydata pa kryminalnaj spravie i navat źmiaščeńnie ŭ SIZA nie jość padstavaj admovy rehistracyi ŭ jakaści kandydata.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary