«Słavianski bazar» projdzie va ŭsiečanym farmacie. Solnych kancertaŭ rasijski pop-zorak nie budzie
U hetym hodzie «Słavianski bazar u Viciebsku» projdzie z 16 pa 20 lipienia ŭ open-air farmacie (h.zn. usie mierapryjemstvy buduć prachodzić tolki na adkrytych placoŭkach), piša Tut.by.
Raniej paviedamlałasia, što fiestyval mieŭsia prajści z 13 pa 21 lipienia.
Arhanizatary admianili ŭsie solnyja kancerty. Admienienyja šou Kirkorava, kancerty Mieładze, Arbakajcie, Ciny Karal, Łality, Hazmanava, zorak «Jeŭrabačańnia», vystup Dźmitryja Malikava i kamand vyšejšaj lihi KVZ, monaśpiektakl Maksima Avieryna.
Nie adbuducca mierapryjemstvy ŭ budynku Nacyjanalnaha teatra imia Jakuba Kołasa, Viciebskaj abłasnoj fiłarmonii i Teatry «Lalka».
— Kolki biletaŭ było zdadziena hledačami? — udakładniŭ TUT.BY.
Jak badziora paviedamiŭ dyrektar fiestyvalu Hleb Łapicki, pra takija vypadki jamu nieviadoma. Ale paźniej ministr kultury Juryj Bondar papraviŭ svajho kalehu: zdadziena 70 kvitkoŭ. Pry hetym kuplena ŭžo 15 tysiač.
Što ž tady ŭbačać hledačy? Pierš za ŭsio, zorki rasijskaj estrady ŭsio ž pryjeduć u Viciebsk. Ale jany vystupiać u farmacie zbornych kancertaŭ.
Pa słovach dyrektara fiestyvalu Hleba Łapickaha, arhanizatary ŭbačyli, što ŭ publicy cikavaja Łalita. Tamu jana budzie adnoj ź viadučych kancerta zakryćcia.
16 červienia ŭ letnim amfiteatry adbudziecca ŭračystaje adkryćcio fiestyvalu. 17-ha tam ža projdzie — kancert «Žyvaja muzyka. Kino», na jakim budzie pracavać arkiestr «Fanohraf-simfa-džaz». U noč z 17 na 18 lipienia tam ža adbudziecca kancert «Załaty chit» z udziełam zorak biełaruskaj estrady (naprykład, Alaksandra Saładuchi) i vykanaŭcaŭ z-za miažy (zorak rasijskaj estrady siarod ich niama).
Asnoŭnyja padziei adbuducca 18 lipienia. Na placoŭcy pierad kancertnaj załaj «Viciebsk» adbuducca Mižnarodny dziciačy muzyčny konkurs «Viciebsk-2020». U letnim amfiteatry adbudziecca Mižnarodny konkurs vykanaŭcaŭ estradnaj pieśni «Viciebsk-2020», razam z vykanaŭcami vystupić šou-balet Ały Duchavaj «TODES». U druhim adździaleńni projdzie kancert eks-salista hrupy Modern Talking Tomasa Andersa. Uviečary taho ž dnia ŭ amfiteatry adbudziecca hała-kancert «Šanson TV - usie zorki».
Narešcie, 19 lipienia na placoŭcy pierad kancertnaj załaj «Viciebsk» projdzie hała-kancert dziciačaha muzyčnaha konkursu, u letnim amfiteatry adbudziecca ŭračystaje zakryćcio. U noč z 19 na 20 lipienia tam ža projdzie kancert «Rok na ŭsie časy».
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary