Jak vyhladaje halereja «Art-Biełaruś» biez karcin Sucina, Cadkina, Alaškieviča
16 červienia vystava halerei «Art-Biełaruś» u Pałacy mastactvaŭ adkryłasia biez karcin. Zamiest ich kala macavańniaŭ na ścienach — 45 QR-kodaŭ, jakija viaduć na pracy mastakoŭ z sajta halerei, piša Tut.by.
Prajekt «Art-Biełaruś» vyras z karparatyŭnaj kalekcyi Biełhazprambanka. U zachoŭvańni prajekta — 150 rabot biełaruskich mastakoŭ. Paśla taho, jak bankam zacikavilisia siłaviki, 150 rabot na 20 młn dołaraŭ dałučyli da spravy.
Halereja pracavała da 12 červienia. Z 13 čysła vystava była začyniena. Z 16 červienia ŭvachod na vystavu volny, ale zamiest ram - kontur z skotču, zamiest karcin - QR-kody. Adskanavaŭšy taki kod praz telefon, naviedvalnik vystavy traplaje na sajt «Art-Biełarusi» ź bijahrafijami i pracami biełaruskich mastakoŭ — Sucina, Cadkina, Alaškieviča, Baksta, Ścialeckaha i inšych.
Rabotniki halerei kažuć, robiać usio mahčymaje, kab hledačy mahli ŭbačyć karciny, niahledziačy na toje, što ich niama - pa televizary pakazvajuć dakumientalnyja filmy prajekta «Art-Biełaruś», na ścianie pad stollu praz prajektar tranślujuć pracy z kalekcyi banka.
Usiaho ŭ zale źmiaščałasia kala 50 rabot. Zaraz jany i ŭsie astatnija 100 znachodziacca ŭ schoviščy, jakoje apiačatana. U halerei tłumačać: prosta tak vyvieźci pracy i pastavić ich u padvał nielha - treba vykonvać tempieraturny i śvietłavy režym, a ŭ halerei dla hetaha stvorany ŭsie ŭmovy.
Nahadajem, 11 červienia Biełhazprambankam zacikavilisia siłaviki, u ofisie banka prajšoŭ pieratrus. 12 červienia stała viadoma pra zatrymańnie top-mieniedžaraŭ banka, a taksama jaho byłych supracoŭnikaŭ. Raspačatyja dźvie kryminalnyja spravy: pa art. 235 KK (Lehalizacyja srodkaŭ, zdabytych złačynnym šlacham u asabliva bujnym pamiery) i art. 243 KK (Uchileńnie ad vypłaty padatkaŭ u asabliva bujnym pamiery).
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary