Kolki podpisaŭ źbirali demakratyčnyja kandydaty na prezidenckich vybarach? Lidar — Paźniak TABLICA
Viktar Babaryka abvieściŭ, što ŭ jaho padtrymku ŭžo sabrana bolš za 230 tysiač podpisaŭ. Zastajecca jašče 10 dzion zboru podpisaŭ, tamu ličba dakładna vyraście. Ź inšaha boku, terytaryjalnyja kamisii mohuć sabrać častku dakumientaŭ.
U lubym razie vyhladaje, što ličby padtrymki Babaryki bolšyja, čym u inšych demakratyčnych kandydataŭ na ŭsich raniejšych prezidenckich vybarach.
«Naša Niva» skłała rejtynh pavodle kolkaści podpisaŭ u padtrymku demakratyčnych kandydataŭ za ŭsie vybary.
| № | Kandydat | Hod | Podpisy |
| 1 | Zianon Paźniak | 1994 | 216 855 |
| 2 | Alaksandr Milinkievič | 2006 | 198 688 |
| 3 | Uładzimir Niaklajeŭ | 2010 | 180 073 |
| 4 | Siamion Domaš | 2001 | 160 077 |
| 5 | Alaksandr Kazulin | 2006 | 157 986 |
| 6 | Andrej Sańnikaŭ | 2010 | 142 023 |
| 7 | Stanisłaŭ Šuškievič | 1994 | 123 552 |
| 8 | Jarasłaŭ Ramančuk | 2010 | 123 206 |
| 9 | Uładzimir Hančaryk | 2001 | 121 041 |
Taćciana Karatkievič, jakaja vyłučałasia ŭ 2015 hodzie, pradastaviła 107 299 podpisaŭ.
Mnohija kandydaty-2010 — Mikoła Statkievič, Ryhor Kastusioŭ, Vital Rymašeŭski, Aleś Michalevič — zajavili, što sabrali patrebnuju kolkaść podpisaŭ, ale ŭ demakratyčnaj supolnaści zastajucca pytańni nakont praŭdzivaści hetych dakumientaŭ. U lubym razie ŭ ich było mienš za 120 tysiač podpisaŭ.
Kandydaty nakštałt Siarhieja Hajdukieviča ŭ tablicu, naturalna, nie ŭklučalisia.
Ciapier čytajuć
Babaryka: Kali b my pieramahli — vajny va Ukrainie nie było b29
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary