U aryštavanaha apieratara Siarhieja Cichanoŭskaha prajšoŭ pieratrus. Kanfiskavali dva kubki
Arciomu Sakavu, jaki pracavaŭ apierataram aryštavanaha błohiera Siarhieja Cichanoŭskaha, vystavili abvinavačańnie pa artykule 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak). Apieratara zatrymali ŭ Hrodnie 31 maja kala 23.00. Paźniej pieraviali ŭ Minsk, piša «Radyjo Svaboda».
Ciapier Arciom Sakaŭ, jak i Cichanoŭski i jašče 7 jahonych paplečnikaŭ, znachodzicca ŭ minskim SIZA na vulicy Vaładarskaha.
Maci Arcioma žyvie ŭ Karmie Homielskaj vobłaści. U jaje prajšoŭ pieratrus.
«Nie viedaju, što jany šukali… Ale zabrali tolki dva kubki z łahatypam «Kraina dla žyćcia». Śledčy z nami nie źviazvaŭsia. Adzinaje, što paviedamiŭ, što Arcioma ŭziali pad vartu», — skazała «Svabodzie».
Jana kaža, što na videa ź incydentu ŭ Hrodnie dobra vidać, što Arcioma nie było pobač ŭ momant zdareńnia, jon stajaŭ dalej.
«Ale pra što kazać, kali jany [milicyja] chapali ludziej z-za stolikaŭ, jakija źbirali podpisy? Arciom, nakolki ja viedaju, ciažka heta pieražyvaje. Heta ŭsio vielmi ciažka. Ale ŭsie, chto nas viedaje, padtrymlivajuć nas», — dadała Łarysa.
Siamja naniała advakata, vazili ŭ SIZA pieradačy dla Arcioma.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary