Pryzyŭniki ŭ Biełarusi ŭpieršyniu buduć prymać prysiahu biez zaprošanych rodnych i blizkich, tyja zmohuć pahladzieć rytuał anłajn, paviedamili BIEŁTA ŭ Ministerstvie abarony.
Minabarony ŭličvaje epidemijałahičnuju abstanoŭku ŭ svajoj dziejnaści. Tamu ŭ krainie nie pravodzilisia ŭračystyja mierapryjemstvy padčas adpraŭki novaha papaŭnieńnia ŭ vojski. A ŭsie navabrancy paśla prybyćcia ŭ vojski prajšli dvuchtydniovuju izalacyju.
Źmieny zakranuli i pryniaćcia prysiahi. «Upieršyniu jana projdzie biez zaprošanych rodnych i blizkich. Ale ŭvieś cyrymanijał budzie vykanany. Akramia taho, my arhanizujem anłajn-tranślacyju z samych masavych miescaŭ pryniaćcia prysiahi — z 72 ANC (72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ) i Marjinaj Horki», — raspaviała aficyjny pradstaŭnik Ministerstva abarony Natalla Haŭrusik.
Baćki zmohuć pahladzieć anłajn, jak ich syny prymajuć prysiahu. Ale i sami baćki i maci sałdat rychtujuć videavinšavańnie dzieciam. «Ich pakažuć padčas uračystych mierapryjemstvaŭ paśla cyrymonii prysiahi», — dadała Natalla Haŭrusik.
Paśla cyrymonii prysiahi vajskoŭcaŭ čakajuć kancert i śviatočnyja mierapryjemstvy.
Kamientary