Antykaranavirusnuju rassadku ŭ ciahnikach zachavajuć da 1 lipienia
Biełaruskaja čyhunka padaŭžaje termin dziejańnia novaj schiemy rassadžvańnia ŭ ciahnikach z numaravanymi miescami da 1 lipienia.
Rassadka pa novaj schiemie była ŭviedziena Biełčyhunkaj z 15 krasavika. Meta — zachavańnie pasažyrami nieabchodnaj sacyjalnaj dystancyi ŭ kupejnych, płackartnych vahonach i ŭ vahonach ź miescami dla siadzieńnia.
Schiema praduhledžvaje raźmiaščeńnie nie bolš za dva pasažyry ŭ kupe, u płackartnym vahonie — nie bolš za try čałavieki ŭ adnym adsieku. Pasažyram, jakija aformili kvitki ŭ adnoj zamovie, dazvolenaja kupla troch ci čatyroch miescaŭ u kupe, kali da hetaha tam nie było pradadziena nivodnaha miesca.
Pry afarmleńni biletaŭ u vahonach ź miescami dla siadzieńnia ŭ dvuchmiesnym šerahu pasažyr budzie raźmieščany kala akna. Na try miescy — adzin čałaviek kala akna, druhi — praź miesca la prachodu (siaredni šerah zastajecca niezaniatym).
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary62
Kamientary