«Televizar acanili ŭ 20 rubloŭ»: usiu majomaść staršyni partyi BNF Ryhora Kastusiova apisali
Na hetym tydni staršynia Partyi BNF Ryhor Kastusioŭ atrymaŭ ceły stos listoŭ z adździeła prymusovaha vykanańnia Škłoŭskaha rajona pa niaspłacie štrafa za ŭdzieł u akcyjach suprać intehracyi z Rasijaj, što prachodzili ŭ Minsku ŭ śniežni minułaha hoda. A 26 maja sudovyja vykanaŭcy apisali majomaść palityka, piša «Radyjo Racyja».
«Štraf byŭ 810 rubloŭ i ŭ dadatak da hetaha sudovyja vykanaŭcy jašče naličyli 81 rubiel. Mnie paviedamili, što nakładzieny aryšt na karystańnie haražom i mašynaj, a siońnia apisali ŭ kvatery častku majomaści: televizar, chaładzilnik, pralnuju mašynu, kanapu, kresły i stacyjanarny telefon. Mianie aznajomili z pratakołam, ale majomaść nie zabirali, jana znachodzicca ŭ kvatery jak byccam na zachavańni ź pieršasnym pravam na prodaž», — skazaŭ sp. Kastusioŭ.
«Naprykład, televizar acanili ŭsiaho ŭ 20 rubloŭ, pralnuju mašynu — u 70 rubloŭ… Ahulny košt aryštavanaj majomaści składaje 430 rubloŭ. Ceny prosta śmiešnyja!», — dadaŭ jon.
Kiraŭnik partyi BNF źviarnuŭsia da siabroŭ, prosiačy dapamohi, kab apłacić chacia b pałovu štrafa ŭ rasterminoŭku.
«Padklučylisia i błohiery, i maje namieśniki ŭ partyi… Budziem źbirać pa kapiejcy, chto kolki moža. Raniej, kali ja pracavaŭ i zajmaŭsia biznesam, takaja suma nie była b dla mianie prablemaj, ale zaraz krychu inšyja časy. Ciapier ža ja na piensii», — kaža jon.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary