Na siońniašniaj naradzie z Kačanavaj, Sierhiejenkam, Ordaj i Šejmanam Alaksandr Łukašenka adznačyŭ aktyvizacyju roznaha rodu fejkavych infarmacyjnych kanałaŭ, piša BiełTA.
«Ja zaŭvažyŭ, što ŭ tak zvanych fejkavych kanałach, Telegram-kanałach dy inšych, jany apošnim časam čaplajuć uładu za što papała. Razdźmuć mohuć tam skandał ź niavypłataj u niejkaj kankretnaj arhanizacyi — daktaram, nastaŭnikam i hetak dalej. Ja ŭčora Natallu Ivanaŭnu [Kačanavu] paprasiŭ, kab jana abtelefanavała ŭsich hubiernataraŭ i prosta pa-ludsku papiaredziła ich: kali jość niejkaja prablema, jaje treba vyrašyć na miescy».
Kiraŭnik dziaržavy ŭ hetym płanie pryvioŭ kankretny prykład: «Nu što tam hetaja babrujskaja chutkaja dapamoha… Kali jany sapraŭdy pracujuć i źviazanyja z hetymi epidemičnymi pracesami, tak treba padtrymać ludziej. Heta kapiejki dla krainy. Ale, z druhoha boku, treba razumieć, što ŭ roŭnyja ŭmovy my nie možam pastavić tych, chto siońnia vykonvaje «čystuju» i «brudnuju» pracu. U advarotnym vypadku my pakryŭdzim tych, chto siońnia chodzić u čyrvonuju zonu i pracuje z zaražanymi karanavirusam».
«Tamu ŭraŭniłaŭki być nie pavinna. Ale hrań amal nieprykmietnaja», — dadaŭ Alaksandr Łukašenka.
Kiraŭnik dziaržavy padkreśliŭ, što aŭtary fejkaŭ zusim nie turbujucca, naprykład, pra daktaroŭ, a tolki imknucca chajpanuć. «Dla ich nie hałoŭnaje hetyja daktary. Hałoŭnaje — chajpanuć. Jany na hetym chočuć złavić niejki chajp. Heta nie naš šlach. Ale treba paciarpieć. My ź imi raźbiaremsia. Ja ŭčora vam kazaŭ: pryjdzie čas, my ŭsich pastavim na miesca», — zajaviŭ jon.
Alaksandr Łukašenka pry hetym adznačyŭ, što zakryvać rot nikomu nielha, i chaj ludzi kažuć tak, jak jany dumajuć. «A žurnalist, kali jon žurnalist, niejki błohier ci jašče niechta, pavinny pisać sumlenna, abjektyŭna padavać infarmacyju, a nie padymać skandał. Kali nie sumlenna, kali nie adpaviadaje rečaisnaści, za heta treba adkazvać. Jak heta było z rasijskim Pieršym kanałam», — akcentavaŭ uvahu kiraŭnik dziaržavy.
Jon dadaŭ, što ciapier i ŭ samoj Rasii na mižnarodnym uzroŭni patrabujuć, kab adno z zamiežnych zachodnich vydańniaŭ pieraprasiła za falsifikacyi na temu karanavirusa. «Dyk a navošta ž rasijskija kanały ŭ nas heta rabili?» — zadaŭ rytaryčnaje pytańnie Alaksandr Łukašenka.
«I ja tut rasijanaŭ padtrymlivaju — nichto nie maje prava hulacca na hetaj temie. Heta žyćci ludziej. Tut ja pobač z rasijanami, ale adrazu kažu: i vy siabie viadzicie adkazna pa adnosinach da inšych krain», — padkreśliŭ Łukašenka.
Jon jašče raz zaklikaŭ u hetaj situacyi paciarpieć, bo hałoŭnaje — heta vyratavańnie žyćciaŭ ludziej. «My pavinny prajści hety šlach, jak my jaho pačali. I tady ludzi raźbiarucca, chto maje racyju, a chto vinavaty.
Usie ŭžo ŭ Biełarusi atrymali pryščepku i vypracavali imunitet da hetych niahodnikaŭ. Tak, jany heta čytajuć, ale pravilna aceńvajuć. A tyja, chto niapravilna aceńvajuć, jany i chočuć tak aceńvać niapravilna. My ich užo naŭrad ci pieravychavajem i źvierniem na šlach praŭdy, — ličyć kiraŭnik dziaržavy. — Heta peŭnaja častka ludziej. Jany nienavidzieli i nienavidziać Łukašenku, ličać, što treba pabolš jamu padkinuć prablem, kab jon spatyknuŭsia i ŭpaŭ. Heta ž my bačyli i bačym ciapier. Da hetaha treba bolš spakojna stavicca i prosta ludziam raspaviadać pra fakty».
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary