Schavany karanavirus: śmiarotnaść u Maskvie ŭ krasaviku vyrasła bolš jak na 1800 čałaviek
Kolkaść śmierciaŭ, zafiksavanych u Maskvie ŭ krasaviku, vyrasła amal na 20% u paraŭnańni ź siarednim značeńniem dla hetaha miesiaca za apošnija dziesiać hadoŭ, vynikaje z danych, apublikavanych na partale adkrytych źviestak urada Maskvy, piša rbc.ru.
Tak, u 2020 hodzie ŭ krasaviku było zafiksavana 11 846 śmierciaŭ. Ad 2010 da 2019 hoda siaredni ŭzrovień śmiarotnaści dla krasavika skłaŭ 9 866, što na 17% nižej, čym u 2020 hodzie.
Akramia taho, sioleta krasavickija pakaźniki śmiarotnaści ŭ stalicy stali samymi vysokimi dla hetaha miesiaca ad 2010 hoda, upieršyniu pieravysiŭšy adznaku 11 tys.
Pa aficyjnych źviestkach, śmiarotnaść ad karanavirusa ŭ Maskvie ŭ krasaviku skłała 645 čałaviek. Heta aznačaje, što aficyjnyja źviestki śmiarotnaści zanižanyja prykładna ŭ try razy.
Kamientary