Dziaržavy pavinny znajści inšyja varyjanty śviatkavańnia Dnia Pieramohi 9 maja, kab masavymi mierapryjemstvami nie spravakavać novuju ŭspyšku COVID-19, zajaviŭ na bryfinhu ŭ čaćvier rehijanalny dyrektar pa Jeŭropie Suśvietnaj arhanizacyi achovy zdaroŭja Chans Kluhie, piša ria.ru.
«Zaraz 43 krainy, jakija ŭviali karancinnyja miery, pastupova pačynajuć źmiakčać režym abmiežavańniaŭ. Ale virus nie źnik praz toje, što ŭsie ludzi raptam byli izalavany. Vychad pavinien być pastupovym. I nieabchodna pamiatać, što ciapier nie čas dla śviatkavańniaŭ, ale čas dla padrychtoŭki», — skazaŭ jon.
Kluhie padkreśliŭ, što dziaržavam, jakija majuć namier adznačać Dzień Pieramohi ŭ Jeŭrapiejskim rehijonie, nieabchodna znajści alternatyŭnyja miery masavych hulańniaŭ, kab nie padviarhać ryzycy zdaroŭje ludziej.
«Napieradzie ŭ nas vielmi važny dzień — Dzień Pieramohi, 9 maja. I chaču adznačyć tyja urady, jakija pryniali advažnaje rašeńnie adkłaści abo pieranieści parady, pastavili zdaroŭje ludziej na pieršaje miesca. My ŭ rehijanalnym ofisie vielmi pavažliva stavimsia da hetaj daty. Ale ciapier čas dla taho, kab znajści alternatyŭnyja rašeńni dla śviatkavańnia, kab nie padviarhać ryzycy čałaviečyja žyćci», — padkreśliŭ jon.
Nahadajem, što ŭ Minsku 9 maja projdzie parad, a ŭviečary na płoščy Pieramohi — kancert.
Kamientary