U treniera bramnikaŭ futbolnaha kłuba «Baranavičy» Illi Paceviča pnieŭmanija, paviedamlaje Tribuna. Pacevič zdaŭ test na karanavirus i čakaje vyniku.
Dyrektar kłuba Alaksandr Zotaŭ kaža, što astatnija hulcy prajšli miedkamisiju, zdali analizy i zrabili fluarahrafiju. Jany zdarovyja i praciahvajuć treniroŭki.
Sam bramnik, pa słovach Zotava, adčuvaje siabie dobra. Tempieratura ŭ jaho ŭ miežach normy.
Kiraŭnik adździeła sportu i turyzmu Siarhiej Pivaš skazaŭ, što masavyja mierapryjemstvy ŭ Baranavičach admienienyja, ale na rašeńnie pravodzić futboł jon paŭpłyvać nie moža.
— Ilja Pacevič z «Baranavičaŭ» u balnicy. Što vy viedajecie pra situacyju?
— Ja viedaju ad dyrektara kłuba, što ŭ treniera pnieŭmanija. Voś i ŭsio. Adzinaje — hety trenier ža były hulec, ja dumaŭ, što jon hulaŭ u papiaredniuju subotu. A, akazvajecca, nie hulaŭ, a siadzieŭ na łaŭcy.
— U Baranavičach skasavali śviatkavańni 1 Maja i Dnia horada, šeście na 9 Maja, ale 2 maja zapłanavany futboł…
— Usio tak. Rašeńniem vykankama admienienyja ŭsie masavyja mierapryjemstvy. Futboł rehuluje fiederacyja.
— Vam nie zdajecca dziŭnym, što rašeńnie prymaje ABFF? Ułady horada sprabujuć minimizavać usie ryzyki, a fiederacyja biare i pravodzić futboł.
— Ja, moža być, dzieści zhodny z vami jak čałaviek. Ale jak dziaržaŭny słužačy ja vam tak skažu: u kožnaha słužačaha jość svaja zona adkaznaści i svaja zona zadač. Toje, što ja nie mahu rehulavać, toje ŭ maju zonu nie ŭvachodzić. Fiederacyja daje rasparadžeńnie pravodzić čempijanat, a my padparadkoŭvajemsia i pravodzim.
— Ale pahadziciesia, heta ž vielmi dziŭna, što horad admianiŭ usie masavyja mierapryjemstvy, a futboł praciahvajecca.
— Jak ja mahu kamientavać heta? Biez kamientaroŭ. Heta ja kamientavać nie mahu.
— Moža, varta ŭsio ž taki spynić čempijanat?
— Ja nie mahu ničoha kamientavać, tamu što ja dziaržsłužačy.
Nastupny matč kamanda pavinna pravieści druhoha maja suprać «Ivacevičaŭ». Kłub vystupaje ŭ trecim pa sile dyvizijonie.
Nahadajem, što čempijanat Biełarusi pa futbole źjaŭlajecca adzinym turniram u Jeŭropie, jaki nie admienieny praz pandemiju karanavirusa.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha8
Kamientary