«Jość paškodžańni lohkich». U Minsku pamior 35-hadovy IT-biznesmien Viačasłaŭ Šakiel
U Minsku pamior 35-hadovy ajcišnik Viačasłaŭ Šakiel. Pra heta «Našaj Nivie» paviedamili jaho siabry.
Šakiel — adzin z zasnavalnikaŭ E-Chat, miesiendžara, intehravanaha z kašalkom kryptavalut. Ofis kampanii znachodzicca ŭ Hankonhu. Taksama byŭ namieśnikam dyrektara ŭ kampanii BitActive, rezidencie Parka vysokich technałohij.
Siabry kažuć, što heta byŭ dužy małady čałaviek pad 2 mietry rostam, zajmaŭsia adzinaborstvami.
Žonka i syn Šakiela čakali jaho ŭ Tajłandzie, adkul usie razam mielisia lacieć u ZŠA. Ale hranicy zakrylisia — i Viačasłaŭ nie paśpieŭ vylecieć ź Biełarusi.
U Minsku žyvie jahony baćka Valancin Šakiel, były prakuror Partyzanskaha rajona Minska.
Valancin Šakiel paviedamiŭ «Našaj Nivie», što ŭ subotu nie zdoleŭ źviazacca z synam i trapić da jaho, tamu razam ź siabrami vyrašyŭ vyłamać dźviery. U kvatery znajšli niežyvoje cieła.
Siabry miarkujuć, što moh mieć miesca karanavirus — ci tak heta?
«Pakul nielha tak ličyć aficyjna, bo, zhodna z daviedkaj — dyjahnaz nie vyznačany, — skazaŭ «Našaj Nivie» Valancin Šakiel. — Ci heta pnieŭmanija?
Jość paškodžańni lohkich, jany [daktary] padazrajuć [pnieŭmaniju], praź miesiac budzie aficyjnaja histałohija.
Čamu jon nie źviarnuŭsia da doktara, mnie samomu niezrazumieła. Syn byŭ mocny, zdarovy, moža, tamu?»
Udakładniajučy finansavy maštab kampanii syna, baćka dadaŭ, što «Viačasłaŭ imknuŭsia stać dalaravym miljanieram».
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek3
Kamientary