Ci treba nasić masku? Krainy Azii rekamiendujuć, Jeŭropa i SAAZ — nie

Čaściej myjcie ruki, trymajcie dystancyju paŭtara mietra, pa mahčymaści nie jeździcie ŭ hramadskim transparcie… Siarod rekamiendacyj Suśvietnaj arhanizacyi achovy zdaroŭja na pieryjad pandemii karanavirusa niama punkta pra masku.

Nie rekamiendujuć našeńnie maski i niekatoryja jeŭrapiejskija krainy. 

U toj ža čas u Aŭstryi i Ukrainie biez maski ciabie bolš nie puściać u kramu.

Kali vice-prezident kitajskaha Čyrvonaha Kryža Jań Chuičuan pryjechaŭ u Italiju kansultavać ułady pa baraćbie z karanavirusam, jon aburyŭsia: «Hramadski transpart tut praciahvaje chadzić, na vulicach — mora ludziej. I navat u najbolš uražanych karanavirusam zonach ludzi nie nosiać maski».

Sapraŭdy, našeńnie maski stała adnym z hałoŭnych punktaŭ u praviłach tatalnaj vajny suprać COVID-19 u Kitai i Paŭdniovaj Karei. Kitajcy stroha trymajucca hetaha praviła, navat kali traplaciu za miažu. Kitajskija studenty nie vychodziać na vulicy Minska biez maski, ad lutaha pačynajučy. Spačatku jany byli adnymi takimi ŭ biełaruskaj stalicy, adnak u apošnija dni kolkaść ludziej u maskach rezka vyrasła.

Pavialičyć

U Kitai adsutnaść rekamiendacyj nasić maski ŭ zachodnich krainach źviazvajuć prosta ź ich deficytam. Sistemy achovy zdaroŭja takim čynam chočuć aščadzić zapas masak dla miedykaŭ, bo ŭ mnohich zachodnich krainach, u tym liku ZŠA, Francyi, Italii, nazirajecca ich krytyčny deficyt navat va ŭstanovach achovy zdaroŭja.

Na minułym tydni Suśvietnaja arhanizacyja achovy nahadała, što virus nie zastajecca ŭ pavietry, i «ŭdychnuć» jaho možna tolki ŭ balnicy i pry kantakcie z chvorym, kali jon kašlaje i dychaje na vas. Kali vy trymajecie biaśpiečnuju dystancyju i myjecie ruki, vy možacie nie zahaniacca, śćviardžajuć zachodnija miedyki.

U toj ža čas hienieralny dyrektar Kitajskaha centra kantrolu i prafiłaktyki chvarob intervju časopisu Science Džordž Hao zaklikaŭ ludziej masava nasić maski, kab spynić raspaŭsiud virusa.

«Vialikaja pamyłka ZŠA i Jeŭropy, na maju dumku, što ludzi nie nosiać masak, — skazaŭ Hao. — Mnohija ludzi mohuć być bieśsimptomnymi ci presimptomnymi nośbitami infiekcyi. Kali b jany nasili maski, kropielki ź virusam nie raźlatalisia b vakoł ich i virus nie zaražaŭ by inšych».

Što možna skazać z ulikam takich supiarečlivych dumak? Napeŭna, varta ŭziać za praviła nadziavać masku, kali jedzieš u zahružanym transparcie i idzieš u ludnuju kramu, a tym bolš — u balnicu. U toj ža čas niama patreby ŭ mascy, kali ty hulaješ na dvare.

Pavialičyć

• 0
• 0
• 0
• 0
• 0
• 0
• 0
• 0