«Serca rviecca na volu». Čudziancoŭ dasłaŭ novy vierš z-za krataŭ
Čarhovy vierš napisaŭ u turemnych ścienach žurnalist Uładzimir Čudziancoŭ, jaki ŭžo bolš za čatyry miesiacy znachodzicca ŭ źniavoleńni. Zaraz Čudziancoŭ znachodzicca ŭ SIZA № 1 (Vaładarka). Vierš byŭ nadrukavany ŭ telehram-kanale «Niechta».
Serca rviecca na volu,
Serca rviecca z-za krataŭ…
Ad šalonaha bolu,
Ad varjataŭ i kataŭ.
Prahnie biednaje serca
Vyzvaleńnia z pałonu,
Ale ŭsłych nie prarviecca
Anivodnaha stonu.
Vorah čuć nie pavinny,
Jak pakutuje serca.
Tak žyvie paŭkrainy,
Ci mnie tolki zdajecca?
Ludzi marać pra volu,
Ale moŭčki, ciarpliva
Ŭ carstvie smutku i bolu
Dni marnujuć chłuśliva.
Mnie ź niavoli, zdajecca,
Nie syści. Jak z mahiły.
Kali b navat u serca
Raptam vyraśli kryły.
Adkažy mnie, kraj rodny,
Što rabić zastajecca?
Ci ty budzieš svabodny,
Kali spyniecca serca?
Kamientary