U Słonimie adkryŭsia pieršy dyskaŭntar novaha rytejlera ź biełaruskamoŭnaj nazvaj
Pieršaja krama sietki «Hrošyk» adkryjecca 25 lutaha ŭ Słonimie. Novy rytejler płanuje paciaśnić rasijskija sietki i budzie adroźnivacca ad apošnich nie tolki nizkimi cenami, ale i jakaściu tavaraŭ.
Handlovaja sietka pačnie svajo raźvićcio z rajonnych centraŭ. Rytejler raźličvaje achapić rehijanalnyja harady z nasielnictvam kala 50 tysiač čałaviek. Paśla hetaha «Hrošyk» moža pryjści ŭ Minsk i abłasnyja centry. Krama ŭ Słonimie stanie piłotnaj.
Novy rytejler pazicyjanuje siabie jak žorstki dyskaŭntar. Heta aznačaje, što na palicach pradstaviać tavary pa vielmi nizkich cenach za košt skaračeńnia vydatkaŭ: nievialikaja kolkaść piersanału, abmiežavany asartymient, prostaje abstalavańnie.
Handlovyja zały aformiać u styli minimalizmu, ale ŭ paraŭnańni z kankurentami prastory budzie bolš — chopić miesca dla pakupnikoŭ ź dziciačymi vazkami.
Akramia siekcyj bakalei i napojaŭ, u dyskaŭntary buduć małočnaja i miasnaja vitryny. Pryjarytet na palicy atrymajuć papularnyja pradukty štodzionnaha popytu, ale pa adčuvalna nizkich cenach.
Kamientary