LG prydumała televizary, jakija pakazvajuć karcinku 8K Ultra HD niezaležna ad jakaści vyjavy
Kampanija LG Electronics prezientavała na vystavie CES-2020 pašyranuju liniejku 8K-televizaraŭ. U kampanii ŭžo jość 88- i 75-calevyja televizary, a ciapier dadaducca vosiem novych madelaŭ z 77-i 65-calevymi ekranami.
Liniejka LG 2020 hod uklučaje ŭ siabie 88- i 77-calevyja 8K-televizary premium-kłasa LG SIGNATURE OLED (madeli 88/77 OLED ZX) i najnoŭšyja televizary LG NanoCell (madeli 75/65 Nano99, 75/65 Nano97, 75/65 Nano95).
Kožnaja madel adpaviadaje novamu standartu haliny 8K Ultra HD: ich minimalnaja parohavaje značeńnie kantrasnaj madulacyi składaje 50%, što pieravyšaje standart Asacyjacyi spažyvieckich technałohij ZŠA. Takija pakazčyki paćvierdzili pravieranyja niezaležnyja łabaratoryi.
U novych madelaŭ jość ličbavyja ŭvachody HDMI i USB, televizary ŭmiejuć raspaznavać kodeki HEVC, VP9 i AV1, ź jakimi pracujuć bujnyja pastaŭščyki videa, u tym liku YouTube. Novyja madeli televizaraŭ padtrymlivajuć pieradaču 8K-kantentu z chutkaściu 60 kadraŭ za siekundu i siertyfikavanyja dla takoj pieradačy praz HDMI.
Za pradukcyjnaść novych 8K-televizaraŭ LG adkazvaje novy pracesar Alpha 9 treciaha pakaleńnia. Liniejka 2020 hoda zabiaśpiečvaje aptymizavanuju jakaść malunka i huku dla ŭsich typaŭ kantentu z dapamohaj 8K-maštabavańnia. Sistema analizuje kantent z dapamohaj technałohii hłybinnaha navučańnia, a taksama palapšaje videa ź nizkim pašyreńniem da amal daskanałaha 8K-standartu dziakujučy technałohii šumapryhłušeńnia Quad Step Noise Reduction i častotnaj technałohii Sharpness Enhancer.
Akramia taho, hety pracesar abstalavany AI Picture Pro. Jon raspaznaje tvary i tekst na ekranie. Jaho asnoŭnaja zadača — zrabić tvary vyraznymi, a koler skury naturalnym.
A funkcyja Auto Genre Selection raspaznaje typ kantentu i aŭtamatyčna prymianiaje idealnyja nałady vyjavy, harantujučy najlepšuju jakaść karcinki ŭ ramkach čatyroch žanraŭ: filmy, sport, standartnaje videa i animacyja.
Jakaść aŭdyja zabiaśpiečvaje AI Sound Pro. Sistema analizuje i kłasifikuje aŭdyjakantent pa piaci katehoryjach — muzyka, filmy, sport, drama ci naviny — dla bolšaj vyraznaści hołasu, a taksama nasyčanaści i tekstury fonavaha huku. Jana izaluje vymaŭlenyja słovy i pavialičvaje ich hučnaść, identyfikuje fonavyja šumy i maštabuje ich da virtualnaha 5.1-kanalnaha abjomnaha huku. U vyniku hledaču stanovicca praściej razumieć havorku hierojaŭ, i jon hłybiej pahružajecca ŭ kantent.
Technałohii štučnaha intelektu, ukaranionyja ŭ 8K-televizary ad LG, prapanujuć novy ŭzrovień kamfortu. Karystalniki mohuć kiravać pryładami razumnaha doma niepasredna z ekrana televizara, a hałasavoje kiravańnie ŭ režymie hands-free dazvalaje kiravać padłučanymi pryładami hołasam. Usie 8K-televizary ad LG abstalavany technałohijaj raspaznavańnia hołasu ThinQ, dastupnaj u 144 krainach. Płatforma «razumnaha telebačańnia» webOS ad LG dazvalaje televizaram novych madelaŭ padtrymlivać technałohii AirPlay 2 i HomeKit ad Apple, a taksama Google Assistant i Amazon Alexa.
«LG skancentravana na tym, kab zabiaśpiečvać spažyŭcam jarkija ŭražańni ad prahladu, — adznačyŭ prezident kampanii LG Home Entertainment Pak Chion-Sej. — Nabyvajučy 8K-televizary OLED i NanoCell ad LG, klijenty viedajuć, što atrymajuć pierśpiektyŭny pradukt, jaki zabiaśpiečyć začaravalnuju jakaść malunka niezaležna ad jaho farmatu».
Kamientary