Były kamandzir vajskovaj častki 3214 Dźmitryj Paŭličenka 16 śniežnia vielmi dziŭna prakamientavaŭ vykazvańni byłoha supracoŭnika SACHRa Juryja Haraŭskaha pra zabojstvy Juryja Zacharanki, Viktara Hančara i Anatola Krasoŭskaha.
Spačatku ŭ kamientary dla partała Tut.by Paŭličenka skazaŭ, što Haraŭski sapraŭdy słužyŭ u jaho, ale potym, maŭlaŭ, zhańbiŭ honar vojskaŭ, pačaŭšy zajmacca vymahalnictvam.
Litaralna praz 10 chvilin ŭ kamientary dla «Našaj Nivie» Paŭličenka staŭ admaŭlać toje, što ŭvohule viedaŭ Haraŭskaha. U dadatak zajaviŭ, što ŭvohule nie razmaŭlaŭ z karespandentam Tut.by.
Jak tak atrymałasia?
«Heta čarhovaja «kačka», užo zusim nie chočacca pra jaje havaryć. Ja ciapier na vyjeździe, u mianie niama mahčymaści pahladzieć videa. Mnie ŭ ahulnych rysach abmalavali toje, što tam było», — skazaŭ Paŭličenka.
Były śpiecnazaviec zastajecca na svajoj viersii, što nie viedaŭ Haraŭskaha.
«Ščyra kažu, nie pomniu takoha čałavieka. U intervju Tut.by ja jaho, mahčyma, pabłytaŭ ź inšym bajcom. Mnie potym siabry pazvanili, skazali, što nichto ź ich jaho nie pryznaŭ. Miarkujučy pa tym videa, nichto jaho nie viedaje», — skazaŭ Paŭličenka ŭ kamientary «NN».
Były śpiecnazaviec: Ja ŭdzielničaŭ u zabojstvie Zacharanki i Hančara
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary