Uber, Jandeks.Taksi i arenda aŭto z kiroŭcam akazvajuć pasłuhi taksi, tamu im treba vykonvać patrabavańni zakona da takich pieravozčykaŭ, paviedamili ŭ Mintransie. Parušalnikaŭ da adkaznaści ŭžo pryciahvaje Transpartnaja inśpiekcyja, a nieŭzabavie padklučycca MARH, piša tut.by.
Infarmacyju pra toje, što Uber, Jandeks.Taksi i arenda aŭto heta nie što inšaje, jak taksi, raniej nieadnarazova paviedamlała Transpartnaja inśpiekcyja: padčas rejdaŭ, pry razhladzie DTZ ź pieravozčykam, u sudach. A niadaŭna Mintrans, adkazvajučy na zvaroty pieravozčykaŭ, paćvierdziŭ hety fakt.
U Mintransie adznačyli: Uber i Jandeks.Taksi — heta dyśpietčarskija słužby, jakija akazvajuć pasłuhu pa arhanizacyi pieravozak pasažyraŭ aŭtamabilami taksi, prymajuć i pieradajuć zamovy kiroŭcam, dajuć daviedki i kansultujuć, vykarystoŭvajučy pry hetym srodki elektrasuviazi i internet. Adpaviedna, aŭtamabilnyja pieravozčyki, jakija pracujuć na zamovach Uber i Jandeks.Taksi akazvajuć pasłuhi taksi. Tamu jany pavinny vykonvać patrabavańni Pravił aŭtamabilnych pieravozak pasažyraŭ: prachodzić techahlad raz na paŭhoda, mieć abklejvańnie kuzava ŭ vyhladzie žoŭtych pałos, strachoŭku adkaznaści pierad pasažyram, vadzicieli pavinny prachodzić pieradrejsavy miedahlad i h.d.
Firmy, jakija akazvajuć pasłuhi pa arendzie transpartnych srodkaŭ z ekipažam, danosiać praź internet da spažyŭca niepraŭdzivuju infarmacyju. Jana iłžyva pakazvaje, što kali patencyjny pasažyr zaklučyć damovu arendy aŭto z kiroŭcam, to adnačasova dałučycca da publičnaj afierty - u dadzienym vypadku damovy, jaki źmiaščaje ŭsie ŭmovy pa akazańni pasłuh taksi.
— Pasłuha arendy aŭto z ekipažam i taksi nie moža akazvacca adnačasova. Akazańnie pasłuhi pa pieravozcy pasažyraŭ razam z toj infarmacyjaj, jakuju jany raźmiaščajuć na sajtach, źjaŭlajecca prytvornaj damovaj. Rastłumaču: kali taki aŭtamabil trapić u DTZ i pasažyr atrymaje traŭmu, to kampiensavać škodu firma-pieravozčyk nie budzie, adkaznaść za toje, što adbyłosia niasie sam pasažyr, jak arandatar, - patłumačyła TUT.BY Nastaśsia Siamaška, namieśnik načalnika Transpartnaj inśpiekcyi.
Raniej Jandeks.Taksi zajavili, što pierajšli da akazańnia pasłuh pa strachavańni svaich pasažyraŭ.
— Raźmiaščeńnie pieravozčykami ŭ internecie takoj infarmacyi my kvalifikujem jak raspaŭsiud nienaležnaj rekłamy. Tamu my nakiravali ŭ MARH pradastaŭleńnie ab abmiežavańni dostupu da niekatorych sajtaŭ firmaŭ-pieravozčykaŭ. U siaredzinie śniežnia pieravozčykam vyniesuć zahad ab vypraŭleńni parušeńniaŭ, kali hetaha nie adbudziecca, to da ich buduć prymianiacca bolš kardynalnyja miery, — skazali ŭ Transpartnaj inśpiekcyi.
Havorka pakul idzie tolki pra adnaho pieravozčyka, jaki supracoŭničaje z servisam. Jamu i budzie nakiravana pradpisańnie MARH. Kali schiema spracuje, to «paradak» možna budzie lohka navieści i siarod inšych pieravozčykaŭ, jakija pracujuć ź Jandeks.Taksi.
Za 10 miesiacaŭ biahučaha hoda Transpartnaja inśpiekcyja Mintransa pravieryła pracu 4333 taksi, u 3329 aŭtamabilach vyjavili parušeńni zakanadaŭstva. Da administracyjnaj adkaznaści pryciahnuli 1783 asob, aŭtapieravozčykam vydali 1123 pradpisańni na likvidacyju parušeńniaŭ zakanadaŭstva.
Kamientary