Rapota: Data praviadzieńnia Dziaržsavieta Biełarusi i Rasii zaležyć ad padrychtoŭki darožnych kart pa intehracyi
Data praviadzieńnia Vyšejšaha dziaržaŭnaha savieta Sajuznaj dziaržavy Biełarusi i Rasii jašče nie pryznačana, zaležyć ad voli prezidentaŭ i stupieni padrychtoŭki darožnych kart pa intehracyi dźviuch krain.
«Heta zaležyć ad voli dvuch prezidentaŭ, kali jany vyznačać, što jość sens i čas. Ja miarkuju, što ŭ peŭnaj stupieni vyznačać čas praviadzieńnia pasiadžeńnia Vyšejšaha dziaržsavieta Sajuznaj dziaržavy budzie stupień prapracoŭki darožnych kart», — skazaŭ dziaržaŭny sakratar Sajuznaj dziaržavy Ryhor Rapota ŭ intervju BiełTA.
«Kali heta (VDS) adbudziecca, ja nie mahu skazać, u mianie niama źviestak», — dadaŭ jon.
Razam z tym dziaržsakratar adznačyŭ, što ŭ cełym paradak dnia da pasiadžeńnia ŭ asnoŭnym sfarmiravany. «My hatovyja da luboha rašeńnia», - padkreśliŭ Rapota.
Premjer-ministr Biełarusi Siarhiej Rumas 19 listapada paśla sustrečy sa svaim rasijskim kaleham Dźmitryjem Miadźviedzievym zajaviŭ, što baki ŭzhadnili 21 z 31 darožnych kart.
U svaju čarhu Alaksandr Łukašenka 17 listapada zajaviŭ, što darožnyja karty pa intehracyi z Rasijaj nie buduć padpisanyja biez vyrašeńnia pytańniaŭ pa vuhlevadarodach i adkryćcia rynkaŭ.
Raniej zajaŭlałasia, što Minsk i Maskva płanujuć padpisać prahramu dziejańniaŭ pa pahłyblenaj intehracyi 8 śniežnia
Kamientary