Рапота: Дата правядзення Дзяржсавета Беларусі і Расіі залежыць ад падрыхтоўкі дарожных карт па інтэграцыі
Дата правядзення Вышэйшага дзяржаўнага савета Саюзнай дзяржавы Беларусі і Расіі яшчэ не прызначана, залежыць ад волі прэзідэнтаў і ступені падрыхтоўкі дарожных карт па інтэграцыі дзвюх краін.
«Гэта залежыць ад волі двух прэзідэнтаў, калі яны вызначаць, што ёсць сэнс і час. Я мяркую, што ў пэўнай ступені вызначаць час правядзення пасяджэння Вышэйшага дзяржсавета Саюзнай дзяржавы будзе ступень прапрацоўкі дарожных карт», — сказаў дзяржаўны сакратар Саюзнай дзяржавы Рыгор Рапота ў інтэрв'ю БелТА.
«Калі гэта (ВДС) адбудзецца, я не магу сказаць, у мяне няма звестак», — дадаў ён.
Разам з тым дзяржсакратар адзначыў, што ў цэлым парадак дня да пасяджэння ў асноўным сфарміраваны. «Мы гатовыя да любога рашэння», - падкрэсліў Рапота.
Прэм'ер-міністр Беларусі Сяргей Румас 19 лістапада пасля сустрэчы са сваім расійскім калегам Дзмітрыем Мядзведзевым заявіў, што бакі ўзгаднілі 21 з 31 дарожных карт.
У сваю чаргу Аляксандр Лукашэнка 17 лістапада заявіў, што дарожныя карты па інтэграцыі з Расіяй не будуць падпісаныя без вырашэння пытанняў па вуглевадародах і адкрыцця рынкаў.
Раней заяўлялася, што Мінск і Масква плануюць падпісаць праграму дзеянняў па паглыбленай інтэграцыі 8 снежня
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу4
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары