У санкцыйны спіс ЕС уключылі Беларускую нафтавую кампанію і «Волат-Санцзян»
Як вынікае з інфармацыі, апублікаванай у афіцыйным часопісе ЕС, у прыняты 23 красавіка 20‑ты пакет санкцый Еўрасаюза супраць Расіі трапілі кампаніі, звязаныя з вайскова-прамысловым комплексам Беларусі.
У санкцыйны спіс сярод іншых увайшлі звязаныя з рэжымам Аляксандра Лукашэнкі ЗАТ «Беларуская нафтавая кампанія» (БНК) і сумеснае таварыства з абмежаванай адказнасцю «Волат-Санцзян».
Упершыню ў межах абмежаванняў у дачыненні да беларускага рэжыму пад санкцыі трапіла кітайская дзяржаўная кампанія, звязаная з вытворчасцю беларускай вайсковай прадукцыі — China Space Sanjiang Group.
«China Space Sanjiang Group з'яўляецца сузаснавальнікам СТАА «Волат-Санцзян» і адным з двух асноўных партнёраў гэтага сумеснага прадпрыемства. СТАА «Волат-Санцзян» вырабляе колавыя шасі для вайсковай тэхнікі, уключаючы рэактыўныя сістэмы залпавага агню, якія выпускаюцца МЗКЦ. Такім чынам, China Space Sanjiang Group падтрымлівае вайскова-прамысловы комплекс Беларусі, удзельнічаючы ў распрацоўцы і вытворчасці вайсковых тэхналогій і абсталявання», — так абгрунтоўваюцца еўрапейскія санкцыі супраць гэтай кампаніі.
20‑ты пакет таксама ўключае санкцыі, раней прынятыя супраць Расіі, у прыватнасці гандлёвыя меры, меры прававой абароны, абмежаванні ў дачыненні да крыптавалют, а таксама абмежаванні на аказанне паслуг у сферы кібербяспекі і турызму.
У ЕС канчаткова ўхвалілі крэдыт для Украіны і санкцыі супраць Расіі
Паслы ЕС зацвердзілі крэдыт Украіне на 90 мільярдаў еўра і 20‑ы пакет санкцый супраць Расіі
Зяленскі асудзіў рашэнне ЗША падоўжыць паслабленне санкцый супраць Расіі
У Еўропе энергетычны крызіс. Ці будзе яна зноў купляць нафту і газ у Расіі?
Лукашэнка: Якія б са мной перамовы ні вёў Захад, я цудоўна разумею, што не іх сукін сын
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
«Волат-Ford» - Tak