«Kali biźniesmieny na praciahu pieršaha kvartała nie realizujuć pabudavanaje ŭžo žyllo, to my jaho kanfiskujem i pradadzim majučym patrebu, — skazaŭ kiraŭnik dziaržavy. — I niachaj radujucca, kali my im zapłacim pa sabiekošcie».
A.Łukašenka pastaviŭ zadaču da kanca pieršaha kvartała biahučaha hoda realizavać usio pabudavanaje kamiercyjnaje žyllo.Takoje daručeńnie Alaksandr Łukašenka daŭ siońnia, naviedvajučy Minski matorny zavod, pieradaje karespandent BIEŁTA.
«Kali biźniesmieny na praciahu pieršaha kvartała nie realizujuć pabudavanaje ŭžo žyllo, to my jaho kanfiskujem i pradadzim majučym patrebu, — skazaŭ kiraŭnik dziaržavy. — I niachaj radujucca, kali my im zapłacim pa sabiekošcie».
«Ja baču, što nie zdadzieny ludziam pabudavanyja damy. Što adbyvajecca? Nasielnictva čakaje tannych kredytaŭ, kab kupić heta žyllo, pažadana pad 5‑7 pracentaŭ.
Biźniesmieny ž prytailisia, dumajuć, što dziaržava ciapier ukinie peŭnuju kolkaść hrošaj, i jany znoŭ pa $2‑3 tys. za kvadratny mietr buduć pradavać. Hetaha nie budzie,— hrymieŭ Łukašenka. — Spadziavacca, što jany ad dziaržavy praź ilhotnikaŭ pierakładuć sabie ŭ kišeniu hrošy, atrymanyja za pradadzienaje pa šalonych cenach žyllo, nie treba». Heta žyllo pavinna być pradadziena blizka da sabiekoštu, padkreśliŭ jon.
Pavodle jaho słoŭ, usie rašeńni daviedzieny da hubiernataraŭ, i imi buduć pryniaty adpaviednyja miery.
Vykazaŭšy zakłapočanaść u suviazi sa słabym raźvićciom budaŭničaj haliny, kiraŭnik dziaržavy adznačyŭ, što ŭ bližejšy čas maje namier udzialić hetamu pytańniu asablivuju ŭvahu.
Kamientary