U Oršy kandydata źniali z vybaraŭ za zaklik «Falšyvym vybaram basta»
Pra źniaćcie kandydata Źmitra Kazłova paviedamlajecca na sajcie Aršanskaha rajvykankama. Kandydata źniali 8 listapada, u niepracoŭny dla bolšaści ludziej dzień.
31-hadovy Źmicier Kazłoŭ byŭ vyłučany ad Partyi BNF u Aršanskaj haradskoj akruzie № 25. Jon bałatavaŭsia jak kandydat ad kampanii «Jeŭrapiejskaja Biełaruś».
Kazłoŭ kaža, što jaho źniali za łozunh «Falšyvym vybaram basta». Raniej jon užo mieŭ adno papiaredžańnie ad vybarkama.
U dakumientach vybarkama Kazłoŭ fihuravaŭ jak časova niepracujučy. Kazłoŭ viadzie videabłoh pad nazvaj «Šery kot», jaki maje 3700 padpisčykaŭ.
Čytajcie taksama: Źmicier Kazłoŭ: «Kali nichto nie budzie zmahacca, ludziej zrobiać rabami»
Ułady źniali z vybaraŭ samych jaskravych kandydataŭ ad «Jeŭrapiejskaj Biełarusi», u tym liku Irynu Chalip — žonku eks-kandydata ŭ prezidenty Andreja Sańnikava, Palinu Šarenda-Panasiuk u Bieraści, Paŭła Juchnieviča ŭ Minsku.
Kandydaty ad «Jeŭrapiejskaj Biełarusi» zaklikajuć da źmieny sistemy i nazyvajuć pravalnymi vyniki 25-hadovaha kiravańnia Alaksandra Łukašenki.
Źmicier Kazłoŭ śćviardžaje, što 8 listapada jaho dvojčy zatrymlivali pa darozie ŭ stalicu, kudy jon kiravaŭsia na mitynh, sklikany błohierami. Milicyja viartała jaho ŭ Barań (Aršanski rajon), dzie jon žyvie.
Udakładnieńnie. U raniejšaj viersii artykuła było pamyłkova paznačana, što Źmitru Kazłovu 35 hadoŭ, a jamu 31. Taksama było paznačana, što jaho viartali trojčy, a jaho viartali dvojčy.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary