Praŭda, usiaho adzin dzień.
Aŭtar papularnych «Radziva Prudok» i «Premjera» Andruś Horvat doŭhi čas pracavaŭ dvornikam u Kupałaŭskim teatry. 21 vieraśnia, padčas Teatralnaha piknika, pryśviečanaha 100-mu siezonu Kupałaŭskaha, Horvat na ŭvieś dzień vierniecca na rabotu. Viadomy piśmieńnik budzie sačyć za paradkam u Alaksandraŭskim skviery i navat praviadzie niekalki ekskursij pa zakuliśsi teatra ŭ svaim ampłua. Zarehistravacca možna na sajcie Kupałaŭskaha.
Bijahrafija Andrusia Horvata padobnaja da teatralnaj lehiendy, adnak heta realnaja historyja, jakoj hanaracca kupałaŭcy. Niekali na pracu dvornika ŭ teatr uładkavaŭsia žurnalist-fryłansier Andruś. Ciaham pracoŭnych budniaŭ jon naziraŭ za teatralnaj dziejnaściu, natchniaŭsia tvorčaściu i adnojčy vyrašyŭ kardynalna źmianić žyćcio. Andruś źjechaŭ u viosku Prudok na Paleśsi adnaŭlać dom svajho dzieda.
Žyćcio ŭ paleskaj vioscy mocna adroźnivałasia ad haradskoha, i były dvornik Kupałaŭskaha zanatoŭvaŭ cikavostki na svajoj staroncy ŭ Facebook. Paźniej dopisy pieratvarylisia ŭ knihu «Radziva Prudok», pieršuju tysiaču asobnikaŭ jakoj čytačy raskupili ciaham 2-ch dzion. Pavodle hetaha tvora Kupałaŭski teatr pastaviŭ śpiektakl, a Horvat napisaŭ novuju knihu «Premjera» — pra toje, jak Kupałaŭski pastaviŭ śpiektakl pa jaho tvory. Pieršyja nakłady «Premjery» razyšlisia jašče chutčej. Takoj bijahrafii i ciapierašniaj papularnaści Andrusia Horvata moža pazajzdrościć nie tolki luby dvornik, ale i piśmieńnik.
Na śviacie, pryśviečanym 100-mu siezonu Kupałaŭskaha, možna budzie naviedać teatralnaje zakuliśsie. Ekskursii pačnucca z 12-j hadziny dnia, niekalki ź ich praviadzie Andruś Horvat. Naviedvalniki daviedajucca, jak stvarajucca dekaracyi da śpiektaklaŭ, dzie šyjucca kaściumy, kolki času i hrymu treba na toje, kab padrychtavać akcioraŭ da vystupu i mnohaje inšaje. Akramia taho, na Teatralnym pikniku ŭpieršyniu možna budzie pabačyć śpiektakl Kupałaŭskaha pad adkrytym niebam: «Radziva Prudok» buduć tranślavać praz Voka z teatralnaj sceny ŭ žyvym efiry.
Prahrama śviata pačniecca a 12:00 i praciahniecca da 23:00. Hości zmohuć pačastavacca ŭ street-bufiecie, zrabić sabie vusy jak u maładoha Kupały, amaładzicca abo sastarycca ŭ hrymiorcy «FejsAp», atrymać zaprašeńni na zakrytyja pakazy śpiektaklaŭ i navat šaniec vyjści na scenu Kupałaŭskaha. Uvachod volny.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Cichanoŭskaja jedzie ŭ Ńju-Jork. Jana moža pierasiekčysia z pradstaŭnikami Łukašenki, ale hałoŭnuju intryhu pakul nie raskryvajuć15
Kamientary