Syn Uładzimira Makieja paŭdzielničaŭ u adbory na dziciačaje «Jeŭrabačańnie» VIDEA
Arciom Makiej, syn ministra zamiežnych spraŭ Uładzimira Makieja i aktrysy Viery Palakovaj, uziaŭ udzieł u adbory na dziciačaje «Jeŭrabačańnie» ŭ składzie hurta «Niasumny ŭzrost», piša Tut.by
Siońnia ŭ Biełteleradyjokampanii prajšło prasłuchoŭvańnie ŭsich 38 udzielnikaŭ. Adzin z pretendentaŭ na pieramohu — hurt «Niasumny ŭzrost», jaki isnuje pry adnajmiennaj studyi. U składzie «Niasumnaha ŭzrostu» — navučency adździaleńnia estradnaha vakału minskaj «Dziciačaj škoły mastactvaŭ №2».
Pad kiraŭnictvam piedahoha i mastackaha kiraŭnika studyi Natalli Suchamlinoj hrupa ŭžo ŭdzielničała ŭ adbory na dziciačaje «Jeŭrabačańnie» (praŭda, u inšym składzie). Sioleta hrupa vykanała pieśniu «Fajna» na biełaruskaj movie.
Arciom Makiej vystupaje nie tolki na dziciačych konkursach. Tak, na tvorčym viečary svajoj mamy Viery Palakovaj, jaki prajšoŭ u krasaviku 2018 hoda, jon vykonvaŭ ź joju pieśniu «Ščaście».
U finał nacyjanalnaha adboru projduć ad siami da dziesiaci vykanaŭcaŭ, jakija buduć nazvany viečaram 20 žniŭnia.
Pradstaŭnik Biełarusi na konkursie budzie vyznačany pa vynikach hała-kancerta, jaki adbudziecca nie paźniej za 27 vieraśnia. Pieramožca budzie abrany pa vynikach hałasavańnia hledačoŭ i prafiesijnaha žury.
Finał konkursu projdzie ŭ polskich Hlivicach u listapadzie.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt10
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary