Lehienda «Pieśniaroŭ» Leanid Bartkievič pradaje dom pad Minskam za $460 tysiač FOTY
Leanid Bartkievič nikoli nie chavaŭ, što paśla viartańnia ŭ Biełaruś pasialiŭsia ŭ vioscy Valarjanava. Tam u lehiendy «Pieśniaroŭ» svoj dom. Ciapier hety dom źjaviŭsia ŭ ryełtarskaj bazie i pradajecca za 465 tysiač dalaraŭ u ekvivalencie. Padrabiaźniej pra prapanovu napisaŭ REALTY.TUT.BY.
«Z Amieryki ja viarnuŭsia tolki z amierykanskim pašpartam. Alaksandr Ryhoravič Łukašenka tut ža zahadaŭ mnie vydać biełaruski. A potym ludzi paraili napisać Baćku list, što mnie niama dzie žyć. U mianie ni ŭ adnoj krainie śvietu nie było nieruchomaści. Ja napisaŭ — i ŭžo praz dva dni vyjšaŭ pa mnie ŭkaz — vyłučyć kvateru ŭ centry Minska i kredyt na kuplu chaty. Hety katedž my kuplali niedabudavanym. Ja sieŭ i namalavaŭ eskiz (ja ž architektar pa adukacyi), i voś atrymałasia toje, što vy bačycie ciapier», — raspaviadaŭ ŭ 2012 hodzie» Ekspres-haziecie «Leanid Bartkievič.
Zvonku dom vyhladaje zvyčajna. Jano i jasna: abjekt dastaŭsia Leanidu Leanidaviču niedabudavanym, pryjšłosia pracavać z tym, što było. Zatoje ŭnutry adrazu adčuvajecca tvorčaja natura haspadara.
Dom trochuzroŭnievy, płoščaj 437 kvadratnych mietraŭ. Na pieršym paviersie jość vialikaja haścioŭnia z kaminam i vychadam na terasu, kuchnia, kabiniet, sanvuzieł.
Na druhim uzroŭni raźmiaścilisia vialiki choł, spalnia, dziciačy pakoj.
U cokali, havorycca ŭ abjavie, jość saŭna, pakoj adpačynku, sanvuzieł, duš, kamora, kacielnia. U adnym z pamiaškańniaŭ cokalnaha paviercha Leanid Bartkievič sabraŭ «pieśniaroŭskija» ŭspaminy: afišy kancertaŭ, płaścinki, fatahrafii.
Dom pradajecca za 465 tysiač dalaraŭ u ekvivalencie.
Kamientary