Majstroŭnia kinadakumientalistyki šukaje novych udzielnikaŭ

Z 2011 hoda Asacyjacyja maładych tvorcaŭ «Da teatra»/

Stowarzyszenie Młodych Twórców - «Ku Teatrowi» (Poznań, Polšča) arhanizuje Kinamajstroŭniu dla biełaruskich kinasupolnaściaŭ.

Da hetaha času ŭdzielnikami sieminaraŭ i sustreč u Biełarusi stali i viadomyja biełaruskija režysiory: Halina Adamovič, Viktar Aśluk, Aleh Daškievič, Volha Dašuk, Uładzimir Kołas, Viktar Korzun, Alaksandr Matafonaŭ, Bahdan Arłoŭ, Iryna Vołach, Juryj Chaščavacki, a taksama amatary i pačatkoŭcy. Vykładčykami byli znakamityja polskija režysiory, źviazanyja z Polskaj škołaj kinadakumentalistyki i Łodskaj kinaškołaj u ramkach prajekta «15 chvilin: Biełaruś!».

Prahrama Majstroŭni ŭklučaje:

• 24.08.2019 — 25.08.2019 — dakłady, ilustravanyja polskimi dakumientalnymi karotkametražnymi filmami i sustrečy, na jakich budzie prezientavany № 33 časopisa «pARTisan», pryśviečany polskamu dakumientalnamu kino; a taksama biełaruskaje vydańnie padručnika «Dapamožnik kinadakumentalista» aŭtarstva praf. Hražyny Kendzielaŭskaj z Polskaj vyšejšaj kinaškoły ŭ Łodzi, pierakład na biełaruskuju Śviatłany Kurs (2017).

Dapamožnik u farmacie PDF možna spampavać tut http://docmajstrounia.com/infarmacyja/

1. Kłasika i avanhard u polskim dakumentalnym kino, ilustravanaja lekcyja — Iałanta Kiljan, 4-5 hadzin

2. «Ščaślivyja rabotnicy i rabotniki — dekanstrukcyja mifaŭ u polskaj kinadakumientalistycy 1950-1990-ch» — ilustravanaja lekcyja, Śviatłana Kurs, 4 hadziny.

3. «Dapamožnik kinadakumentalista, albo jak heta robicca ŭ polskaj kinadakumientalistycy» — Iałanta Kiljan, Śviatłana Kurs, 2 hadziny.

• 26.08.2019 — 28.08.2019 — zaniatki praviaduć Volha Dašuk i Viktar Aśluk, viadomyja biełaruskija kinadakumientalisty. U ramkach hetaj Majstroŭni jany zładziać zaniatki pavodle knihi «Dapamožnik kinadakumentalista» praf. Hražyny Kendzielaŭskaj (unikalnaha ŭ suśvietnym maštabie padručnika pa stvareńni dakumentalnych filmaŭ).

Padčas zaniatkaŭ udzielniki zmohuć atrymać praktyčnyja viedy ab vybary formy dakumientalnaha filma, sposabu viadzieńnia zdymkaŭ (z udziełam kamiery ci tolki absiervacyja). Jak ździajśniajecca vybar i prezientacyja hierojaŭ u dakumentalnym filmie? Jakaja funkcyja słova i kamientara? Jakija kinasrodki možna ŭžyć i dziela čaho? Taksama buduć razhladacca pytańni etyčnaj adkaznaści režysiora.

Majstar-kłasy skiravanyja da prafesijanałaŭ i amataraŭ — stvaralnikaŭ kino, zacikaŭlenych dakumientalnym filmam, jaki stanovicca ŭsio bolš papularnym u interniecie i na suśvietnych kinafiestyvalach. Dakumientalnaje karotkamietražnaje kino — heta najpierš siła vobrazu i siła śviadomaha mastackaha vykazvańnia. Adkazvajučy na pytańni: Navošta ja rablu film? Pra kaho i pra što ja rablu film? Jakim čynam jaho zrabić? — udzielniki majstar-kłasaŭ prezientujuć na pitčynhu svaje kinaprajekty, nad jakimi buduć pracavać dalej padčas zaniatkaŭ. Indyvidualna i ŭ hrupach.

Achvotnych da ŭdziełu ŭ Majstroŭni kinadakumentalistyki prosim dasyłać zajaŭki kinaprajekta, jaki my zmožam abmierkavać, raspracavać i pašukać mahčymaści dla vytvorčaści (farmular u dadatku).

Asabliva nas cikaviać prajekty karotkamietražnych dakumientalnych aŭtarskich filmaŭ-raspoviedaŭ, praciahłaściu ad 5 da 15 chvilin, jakija možna prezientavać jak na festyvalach, tak i ŭ interniecie. My šukajem filmy, jakija apisvali b hierojaŭ i źjavy ź Biełarusi, z najbližejšaha atačeńnia režysiora, kali kamiera moža zdymać žyćcio zblizku abo kali režysior zdymaje važnuju padzieju.

Da 08.08.2019 my čakajem na vašyja zajaŭki. Prośba zapaŭniać ich pa-biełarusku ci rusku.

Ankieta: abaviazkova treba zapoŭnić staronku 1 (infarmacyjnuju) i dasłać sinopsis.

Kali ŭ vas jość inšyja dadatki i materyjały, u tym liku zdymki (trejlery, prezentacyi ŭ power point dy inš.), prosim ich dasyłać taksama. Čym bolš materyjałaŭ i infarmacyi, tym bolšaja mahčymaść raźvićcia prajekta i pradstaŭleńnia jaho sponsaram.

Ankieta: https://drive.google.com/file/d/1xERy

Padčas zaniatkaŭ kinamajstroŭni my možam zładzić taksama pitčynh kinaprajektaŭ i budziem pracavać nad kankretnymi filmami.

Udzieł u Majstroŭni kinadakumentalistyki u Kaptaruny Art Village biaspłatny.

transpart padajuć arhanizatary (taksama biaspłatna).

Kolkaść udzielnikaŭ abmiežavanaja: maksimum 15 čałaviek, 15 kinaprajektaŭ.

Padrabiaznaści — www.facebook.com/events.

U ramkach prajekta «Kłasika i avanhard: polskaja kinadakumientalistyka».

Padtrymana Ministerstvam kultury i nacyjanalnaj spadčyny Respublika Polšča ŭ ramkach prahramy «Niezaležnaja» na 2017-2022 hh. i ŭ ramkach prahramy instytuta Adama Mickieviča «Kulturnyja masty». www.culture.pl

• 0
• 0
• 0
• 0
• 0
• 0
• 0
• 0