Mininfarm znajšoŭ ekstremizm u dvuch artykułach «Viečiernieho Mohilova»
Ministerstva infarmacyi znajšło prykmiety ekstremizmu ŭ dvuch artykułach haziety «Viečiernij Mohilov». Ciapier vydańniu pahražaje sud pavodle administracyjnaha artykuła. Kali sprava dojdzie da suda, heta budzie pieršy ŭ Biełarusi precedent, kali za prajavy ekstremizmu asudziać dziaržaŭnaje vydańnie, adznačaje pravaabarončaja inicyjatyva «Žurnalisty za talerantnaść».
Zvarot u Mininfarm nakiravaŭ ŁHBT-aktyvist z Maładziečna Valancin Ciško. Jon padaŭ śpis z 14 publikacyjaŭ vydańnia, jakija prasiŭ pravieryć na najaŭnaść niezakonnaj infarmacyi.
U adkazie za podpisam namieśnika ministra Paŭła Lohkaha havorycca, što Respublikanskaja ekśpiertnaja kamisija pa acency infarmacyjnaj pradukcyi na pradmiet najaŭnaści / adsutnaści ŭ joj prajavaŭ ekstremizmu znajšła takija prykmiety ŭ dźviuch publikacyjach. «Dadzienaje ekśpiertnaje zaklučeńnie nakiravana ŭ pravaachoŭnyja orhany dla vyrašeńnia pytańnia ab pryciahnieńni da administracyjnaj adkaznaści na padstavie artykuła 17.11 KaAP Biełarusi», — paviedamlaje čynoŭnik.
Pytańni ŭ Mininfarma ŭźnikli da artykułaŭ «Sudnyj dień. Liričnych čuvstv natianutyje struny» i «Vo čto vylivajetsia nietierpimosť k izvraŝiencam». Pa rašeńni suda jany mohuć trapić u Respublikanski śpis zabaronienych ekstremisckich materyjałaŭ.
Hazieta «Viečiernij Mohilov» užo nieadnarazova traplała ŭ skandały ŭ suviazi sa svaimi publikacyjami, skiravanymi suprać pradstaŭnikoŭ ŁHBT.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary