Pasolstva Rasii paprasiła ŭ hrodzienskich uładaŭ tłumačeńni, čamu byŭ demantavany pomnik Čapajevu
Pomnik Čapajevu demantavali ŭ Hrodnie ŭ lutym dla rekanstrukcyi, prymierkavanaj da 75-hodździa vobłaści. Spačatku płanavałasia, što paśla abnaŭleńnia jaho viernuć na miesca. Adnak hrodziency pačali źbirać podpisy, kab biustu znajšli novaje miesca, naprykład u muziei. Hrodzienskija ŭłady z dovadami hramadskaści pahadzilisia — Čapajeŭ nijakaha dačynieńnia ni da Hrodna, ni da Biełarusi nie maje.
Tym nie mienš rasijski sajt «Čyrvonaja viasna» nakiravaŭ zapyt u MZS Rasii. Zamiežnapalityčnaje viedamstva zajaviła, što «staranna adsočvaje padziei, jakija adbyvajucca ŭ zamiežnych krainach i źviazanyja sa sprobami pierapisać historyju, kab dahadzić svaim kanjunkturnym intaresam, ścierci z narodnaj pamiaci sapraŭdnych hierojaŭ minułaha i ŭklučajuć takija dziejańni jak demantaž pomnikaŭ, pierajmienavańnie vulic dy inšaje. «Dla Biełarusi padobnyja prajavy nie charakternyja, niahledziačy na asablivaje mierkavańnie pa šerahu histaryčnych siužetaŭ».
«MZS Rasii i Pasolstva Rasii ŭ Minsku źviarnuli ŭvahu na fakt demantažu biusta narodnamu hieroju V. I. Čapajevu ŭ Hrodnie. Adznačyli niehatyŭnaje ŭsprymańnie z boku hrodziencaŭ, asabliva starejšaha i siaredniaha vieku, a taksama rasijskich suajčyńnikaŭ, — rastłumačyli ŭ viedamstvie. — 23 krasavika supracoŭnik rasijskaha pasolstva sustreŭsia z pradstaŭnikami Hrodzienskaha abłvykankama. U chodzie hutarki dadzieny tłumačeńni, što pomnik sapraŭdy demantavany dla praviadzieńnia restaŭracyjnych rabot i pa ich zakančeńni jamu budzie znojdziena hodnaje miesca ŭ adnym z haradskich muziejaŭ. Akramia taho, atrymanyja zapeŭnieńni, što miery nie źjaŭlajucca «baraćboj z savieckimi manumientami», pakolki pieravažnaja bolšaść savieckich nazvaŭ tapanimičnych abjektaŭ jak u stalicy, tak i ŭ inšych nasielenych punktach Biełarusi nie mianialisia apošnija 25 hadoŭ.
Taksama ŭ MZS RF padkreślili, što praciahvajuć sačyć za dalejšym raźvićciom padziej i trymać hetaje pytańnie na kantroli.
«Čyrvonaja viasna» taksama śćviardžaje, što «inicyjatyvu vyzvalić vulicu Hrodna ad biusta V. I. Čapajeva vyłučyli biełaruskija nacyjanalisty, jakija ličać nieabchodnym prybrać z publičnaj prastory hieraizacyju «ideałahičnaha voraha».
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha14
Kamientary