U Maskvie 5 krasavika adbyvałasia ŭručeńnie druhoj muzyčnaj premii «Žara Music Awards». Nie abyšłosia biez skandału, u jaki patrapiŭ papularny vykanaŭca Cima Biełaruskich.
20-hadovy biełarus kaža, što pakinuŭ Crocus City Hall, dzie adbyvałasia ŭručeńnie, praz chamskaje staŭleńnie da jaho i jahonaj kamandy. Kali repier źjaviŭsia ŭ VIP-zonie, to arhanizatary spačatku chacieli pasadzić jaho za stoł z «abjedkami», a paśla ŭvohule zabylisia.
U svaim instahramie Cima vykazaŭsia, što da jaho pastavilisia jak da «pravincyjnaha hastarbajtera». «Pryjechali hetyja biełarusy, niachaj pastajać u zale, dajcie im što dajeści i niachaj uvohule radujucca, što ich paklikali pastajać la sielebryci», — napisaŭ Biełaruskich na svajoj staroncy Ukantakcie.
Darečy, Cimu zaprašali, kab jon atrymaŭ premiju ŭ naminacyi «Pieśnia hoda» za kampazicyju «Mokryja krosy», ale jana dastałasia inšamu vykanaŭcu, jaki vychodzić na łejble «Žara». U vyniku biełarus syšoŭ praź dziesiać chvilin, kab «skončyć hetaje varjactva».
«Napeŭna, jany prosta nie lubiać biełarusaŭ», — skazaŭ muzyka ŭ sacyjalnych sietkach.
Biznesmien Emin Ahałaraŭ, jaki razam sa śpievakom Hryhoryjem Lepsam i zasnavaŭ premiju, u tłumačeńniach dla sajta super.ru skazaŭ, što Biełaruskich ad pačatku nie płanavaŭ siadzieć u zale, a vystupić i źjechać.
«Nam absalutna nie zrazumieła, na padstavie čaho čałaviek zrabiŭ publičnuju zajavu, što pryčyny taho, što adbyłosia, kryjucca ŭ «nielubovi da biełarusaŭ». Heta źjaŭlajecca sapraŭdnym raspalvańniem kanfliktu na nacyjanalnaj hlebie. I na naš pohlad, padobnyja vykazvańni artysta luboha ranhu pavinny aŭtamatyčna zanosić jaho ŭ čorny śpis», — adznačyŭ Ahałaraŭ.
Cima Biełaruskich zdabyŭ sabie viadomaść dziakujučy chitam «Mokryja krosy» i «Niezabudka».
-
«Spačatku my piać dzion zapar pili piva, a potym pajšli ŭ studyju». Biełarusy stvaryli pank-hurt u Amierycy i zapisali albom pa-biełarusku
-
«Majo serca raźbita». Ed Šyran vybačyŭsia paśla skandału z adchileńniem repiera Makłmora praz prapaleścinskija łozunhi
-
Hurt Dlina Volny vypuściŭ pieršy biełaruskamoŭny trek
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj8
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary