Heta pieršy biełaruski biznesoviec, jaki zrabiŭ svajo šlachieckaje proźvišča i hierb biznes-brendam.
U noč na 26 sakavika pamior biznesoviec i piśmieńnik Anatol Statkievič-Čabahanaŭ. Jamu było 72 hady. Pryčyna — daŭniaja ankałohija.
Siamji Statkieviča naležali Navahrudskaja fabryka śpiecvopratki, Homielskaja abutkovaja fabryka.
Anatol Statkievič-Čabahanaŭ mieŭ dziaržaŭnyja ŭznaharody za stvareńnie 4-tomnaj sieryi historyka-dakumientalnych knih «Ja — syn Vaš». Jon daśledavaŭ historyju biełaruskaj šlachty.
«Historyjaj svajho rodu ja cikaŭlusia praktyčna ŭsio svajo žyćcio. Tamu što ja naradziŭsia ŭ vioscy Zasmužža Lubanskaha rajona, i da revalucyi heta byŭ majontak majho dzieda. Potym pačałasia revalucyja, raskułačvańnie, moj dzied byŭ rasstralany, siamja była vysłanaja ŭ Komi-Piermiackuju akruhu. Usio heta niaščaście ź siamjoj padšturchnuła mianie da vyvučeńnia svajho rodu. I kali ja ŭžo mnohija hady pracavaŭ nad historyjaj svajho rodu, ja nastolki zachapiŭsia, što heta stała hałoŭnaj temaj majho žyćcia — vyvučeńnie rodu ŭ mianie pierarasło ŭ vyvučeńnie historyi ajčyny. Svaju pracu ja razumieju nie jak vyvučeńnie radavodu, a jak vyvučeńnie historyi hramadstva, ajčyny praz čałavieka, praź siamju, praz rod», — raskazvaŭ jon u intervju Naviny.by
Heta pieršy biełaruski biznesoviec, jaki zrabiŭ svajo šlachieckaje proźvišča i hierb biznes-brendam.
Hierb rodu Statkievičaŭ «Kaścieša»
Na jaho srodki ŭ Słucku byŭ uźviedzieny pomnik Safii Słuckaj.
Statkievič-Čabahanaŭ — adzin ź niešmatlikich biznesoŭcaŭ svajho pakaleńnia — vučyŭsia na Zachadzie. Siarod jaho ŭniviersitetaŭ, poruč ź Leninhrandskim instytutam dakładnaj miechaniki i optyki, Vyšejšaj škołaj kiravańnia pry APK SSSR jość i Škoła ekanomiki i anhlijskaj movy ŭ Bornmucie (Vialikabrytanija).
Raźvitańnie sa Statkievičam-Čabahanavym adbudziecca 28 sakavika ŭ rytualnaj zale na Kulman, 33A z 9 da 12 hadziny. Paśla niabožčyka adpiajuć u carkvie ŭ Siomkavym haradku. Pachavańnie adbudziecca na Paŭnočnych mohiłkach.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha3
Kamientary