Rasijski biznesmien Jaŭhien Pryhožyn, jakoha taksama nazyvajuć «kucharam Pucina», udzielničaŭ u palityčnym pracesie na Madahaskary. Pra heta havorycca ŭ rasśledavańni, apublikavanym vydańniem «Projekt».
Havorka idzie pra rasijski ŭpłyŭ u afrykanskich krainach, u avanhardzie jakoha, jak adznačajecca, apynuŭsia Pryhožyn. Aŭtary materyjału pišuć, što źviazanyja ź im struktury akazvali dapamohu kandydatam u prezidenty Madahaskara.
Na vyśpie prysutničali rasijskija palittechnołahi, adnak jany nie vałodali kaštoŭnymi danymi pra palityčnuju situacyju ŭ krainie.
«Na Madahaskary pracavali palittechnołahi, jakija amal ničoha nie viedali pra situacyju na vostravie. Da hetaha jany ŭdzielničali tolki ŭ rehijanalnych kampanijach, vučylisia ŭ łahierach «našystaŭ» na voziery Sielihier abo zusim handlavali abutkam. Niekatoryja prosta pajechali pahladzieć lemuraŭ i Aleju baababaŭ»,
— havorycca ŭ tekście. Ni adzin z kandydataŭ u prezidenty, na jakich pracavali rasijanie, nie prajšoŭ u druhi tur vybaraŭ.
Abaronu śpiecyjalistaŭ, imavierna, zabiaśpiečvali najomniki z tak zvanaj pryvatnaj vajennaj kampanii (PVK) Vahniera. Akramia ich tam nibyta znachodzilisia supracoŭniki FSB i Hałoŭnaha ŭpraŭleńnia Hienštaba US Rasii (bolš viadoma jak HRU). Akramia achovy rasijan ŭsie jany zajmalisia navučańniem miascovych vajskoŭcaŭ.
«Projekt» taksama śćviardžaje, što kampanija Ferrum Mining, jakaja zajmajecca zdabyčaj chromu na Madahaskary, źviazanaja ź firmami Pryhožyna, jana nibyta atrymlivała ad ich kredyty.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary