Da finała hrupa «Aŭra» ličyłasia adnym ź cieniavych favarytaŭ, piša Tut.by.
Ale vystup na biełaruskaj movie, a taksama taniec znakamitaj himnastki Mielity Staniuty nie dapamahli. Usiaho 55 bałaŭ (7 bałaŭ ad Dźmitryja Kałduna, pa 8 bałaŭ ad usich astatnich). Ziena nabrała 69 bałaŭ.
«Kali my havorym pra konkurs «Jeŭrabačańnie», a nie pra konkurs nacyjanalnaha zdabytku, to pavinna być (…) niešta novaje. Pieśnia nie vyklikaje nijakich asacyjacyj z konkursam «Jeŭrabačańnie», — vynies svoj prysud Kałdun.
Užo paśla vystupu kankursanty zvyčajna zhadžalisia z acenkami žury ci admoŭčvalisia, ale śpiavačka Julija Bykava zastałasia pry svaim mierkavańni.
Joj nahadali, što pa statystycy Biełaruś na konkursie čaściej pradstaŭlali śpievaki, jakija śpiavali na anhlijskaj. Bykava adkazała, što kali b chacieła paviesialić Jeŭropu svajoj «biełaruskaj anhlijskaj», to abrała b mienavita hetuju movu.
Ale jana chacieła «dać try chviliny pryhažości i začaravańnia pa-biełarusku». Na dumku śpiavački, kali nie prasoŭvać pieśni na biełaruskaj movie, «u nas nie budzie roŭnym čynam ničoha».
Nahadajem, što konkurs vyjhrała Ziena, jakuju nazyvajuć prateže Viktara Drobyša.
Na Jeŭrabačańnie-2019 ad Biełarusi znoŭ pajedzie prateže rasijskaha pradziusara Drobyša VIDEA
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary