Sistema rozyhryšu handbolnaj Lihi čempijonaŭ mocna adroźnivajecca ad futbolnaj.
Čatyry hrupy: A, V, S, D. Pieršyja dźvie (Brescki handbolny kłub imia Miaškova (h.zn. BHK) hulaŭ u A) majuć pa vosiem kamandaŭ, C i D — pa šeść. Hrupy A i V — samyja mocnyja, tamu delehujuć u płej-of pa šeść z vaśmi kamandaŭ. Z hrup S i D u płej-of vychodziać pa dźvie kamandy.
Ale zaniać šostaje miesca ŭ hrupie A — jašče taja zadača. Tut hulali «Barsiełona», «Viesprem», «Vardar», «Vivie», «Rejn-Niekar» — najmacniejšyja kamandy Jeŭropy.
BHK startavaŭ na hrupavoj stadyi ź dźviuch pieramohaŭ, ale potym paciarpieŭ šeść parazaŭ zapar, adzin matč źvioŭ uničyju, znoŭ dva matčy prajhraŭ, u vyniku apuściŭsia na siomaje miesca.
Zatym była pieramoha i paraza.
Usio vyrašałasia siońnia ŭ apošnim matčy doma z šviedskim «Kryścijanstadam», u jakoha BHK vyjhraŭ u haściach u samym pieršym tury. Siońnia — bliskučaja pieramoha bieraściejcaŭ ź likam 32:23 — i kamanda ŭ płej-of.
Treba skazać, što ŭ paralelnym matčy «Vardar» pieramoh «Manpielje», nie puściŭšy francuzaŭ u płej-of. Inakš by za košt asabistych sustreč «Manpielje» abyšoŭ by BHK.
Barsiełona — 24, Viesprem — 20, Vardar — 19, Vivie, Rejn-Niekar — 14, BHK — 9, Manpielje — 7, Kryjastyjanstad — 5
Vynikovaja tablica hrupy
BHK imia Miaškova — najlepšaja biełaruskaja kamanda, nieadnarazovy čempijon Biełarusi, a handboł u Bieraści vielmi papularny.
Bresckaje «Dynama» biez varyjantaŭ vyjhrała ŭ BATE ŭ Supierkubku krainy
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma8
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary