Fond Maryny Parašenki patraciŭ $38 tysiač na biełaruski «Svabodny teatr»
Ukrainski kulturny fond, jaki na hramadzkich pačatkach ačolvaje Maryna Parašenka, žonka dziejnaha prezidenta Ukrainy, abnarodavaŭ finansavuju spravazdaču svajoj dziejnaści ŭ 2018 hodzie, piša Radyjo Svaboda.
Na praciahu hodu fond dapamoh u finansavańni 293 prajektaŭ u śfiery kultury i inkluziŭnaha mastactva ahulnaj vartaściu 139,4 miljona hryŭniaŭ (bolš jak 5 miljonaŭ dalaraŭ u ekvivalencie).
U šerahu hetych prajektaŭ — pakaz u Kijevie śpiektaklu «Burning Doors» («Pałajučyja dźviery»), pastaŭlenaha biełaruskim «Svabodnym teatram». Na jaho Ŭkrainski kulturny fond vydatkavaŭ 1,022 miljona hryŭniaŭ (amal 38 tysiač dalaraŭ u ekvivalencie) arhanizataru hastrolaŭ biełaruskaha teatra — kampanii «HAS Kancert».
Inicyjataram pakazu «Burning Doors» u Kijevie staŭ ukrainski muzyka, vakalist i aŭtar tekstaŭ hurtu «Bumboks» Andrej Chłyŭniuk, jaki z 2015 hodu supracoŭničaje z «Svabodnym teatram».
Jak raskazała Svabodzie pres-sakratar hurta Volha Čartkova, zhodna z umovami, Ukrainski kulturny fond prafinansavaŭ 50 adsotkaŭ vydatkaŭ: «Druhuju častku srodkaŭ dała kampanija-arhanizatar «HAS Kancert».
Arhanizatary śpiektakla zajaŭlali, što ŭsie hrošy, atrymanyja ad prodažu kvitkoŭ, buduć pieradadzienyja siemjam ukraincaŭ, jakija ŭtrymlivajucca ŭ turmach Rasii.
«My, jak i abiacali, usie sabranyja hrošy pieradali praz fond, jaki padtrymlivaje svajakoŭ ukrainskich palitviaźniaŭ», — dadała Volha Čartkova. Jana admoviłasia ŭdakładnić sumu i adrasataŭ dapamohi, padkreśliŭšy niežadańnie nadavać publičnaść dabračynnaj akcyi.
Praca biełaruskich pastanoŭščykaŭ Mikałaja Chalezina i Natalli Kalady była pradstaŭlenaja kijeŭskim hledačam letaś u listapadzie na scenie Nacyjanalnaha akademičnaha dramatyčnaha teatra imia Ivana Franka ŭ Kijevie ŭ miežach mižnarodnaj kampanii «Vyzvalić Siancova».
U spektakli apaviadalisia historyi troch dziejačaŭ kultury, jakija apynulisia ŭ turmie — aktyvistki feminisckaha pank-hurtu Pussy Riot Maryi Alochinaj, rasijskaha mastaka Piatra Paŭlenskaha i ŭkrainskaha kinarežysiora Aleha Siancova. U śpiektakli hučała muzyka hurtu «Bumboks».
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary