Minskaja milicyja raskryła kvaterny kradziež, jaki ździejśniŭ 26-hadovy žychar Viciebskaj vobłaści. Ciaham času jon prysvoiŭ piać tysiač dalaraŭ, jakija pajšli na staŭki ŭ bukmiekierskaj kantory, piša Źviazda.
Da pravaachoŭnikaŭ źviarnuŭsia syn 44-hadovaj paciarpiełaj, jaki raskazaŭ, što ŭ maci prapała piać tysiač dołaraŭ. Było ŭstanoŭlena, što hetaja suma była skradziena ŭ pieryjad z červienia minułaha hoda pa studzień biahučaha. Milicyjaniery ŭstanavili asobu, datyčnuju da złačynstva — 26-hadovaha žychara Viciebskaj vobłaści, jaki byŭ znajomy z paciarpiełaj z 2013 hoda i raniej zdymaŭ u jaje pakoj. Małady čałaviek źjechaŭ ź jaho, ale žyłpłošču pačaŭ zdymać siabra złamyśnika, tak što budučy złačynca pa-raniejšamu byvaŭ u kvatery paciarpiełaj.
U červieni minułaha hoda jon ubačyŭ, dzie žančyna chavaje hrošy i, padabraŭšy momant, kali ŭ kvatery nikoha nie było, skraŭ 300 dołaraŭ. Hetyja hrošy złamyśnik patraciŭ u bukmiekierskaj kantory, robiačy staŭki na spartyŭnyja padziei, paviedamili ŭ Leninskim RUUS stalicy. I byccam by źbiraŭsia viarnuć skradzienaje, kali adyhrajecca, adnak vyjhrašu ad stavak nie było, tamu chłopiec praciahvaŭ pieryjadyčna «pazyčać» hrošy ŭ žančyny.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary