Premjer Irłandyi Lea Varadkar nazvaŭ lehalizacyju abortaŭ «histaryčnym momantam dla irłandskich žančyn». Raniej irłandcy prahałasavali za aborty na refierendumie, paviedamlaje DW
Parłamient Irłandyi prahałasavaŭ za lehalizacyju abortaŭ. Pra heta paviedamiła ahienctva AFP. Lehalizacyja ŭstupić u siłu paśla padpisańnia zakona prezidentam krainy Majkłam Chihinsam. Ciapier u Irłandyi buduć dazvolenyja aborty ŭ termin da 12 tydniaŭ ciažarnaści i paźniej u vypadku pahrozy žyćcia maci abo ciažkaj patałohii płoda.
Premjer Irłandyi Lea Varadkar nazvaŭ lehalizacyju abortaŭ «histaryčnym momantam dla irłandskich žančyn». Na adpaviednym refierendumie ŭ mai 66% irłandcaŭ vykazalisia za aborty.
Da hetaha aborty ŭ Irłandyi, dzie, jak adznačaje AFP, katalickaja carkva maje značny ŭpłyŭ, byli zabaronienyja navat u vypadku zhvałtavańnia, incestu abo śmiarotnaj patałohii płoda. Maksimalnaje pakarańnie za abort składała da 14 hadoŭ turmy. Adznačajecca, što z 1980 hoda da 170 tysiač irłandskich žančyn zrabili aborty ŭ Vialikabrytanii.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary