Прэм'ер Ірландыі Леа Варадкар назваў легалізацыю абортаў «гістарычным момантам для ірландскіх жанчын». Раней ірландцы прагаласавалі за аборты на рэферэндуме, паведамляе DW
Парламент Ірландыі прагаласаваў за легалізацыю абортаў. Пра гэта паведаміла агенцтва AFP. Легалізацыя ўступіць у сілу пасля падпісання закона прэзідэнтам краіны Майклам Хігінсам. Цяпер у Ірландыі будуць дазволеныя аборты ў тэрмін да 12 тыдняў цяжарнасці і пазней у выпадку пагрозы жыцця маці або цяжкай паталогіі плода.
Прэм'ер Ірландыі Леа Варадкар назваў легалізацыю абортаў «гістарычным момантам для ірландскіх жанчын». На адпаведным рэферэндуме ў маі 66% ірландцаў выказаліся за аборты.
Да гэтага аборты ў Ірландыі, дзе, як адзначае AFP, каталіцкая царква мае значны ўплыў, былі забароненыя нават у выпадку згвалтавання, інцэсту або смяротнай паталогіі плода. Максімальнае пакаранне за аборт складала да 14 гадоў турмы. Адзначаецца, што з 1980 года да 170 тысяч ірландскіх жанчын зрабілі аборты ў Вялікабрытаніі.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары