U Polščy źjaviłasia ŭ prodažy kniha byłoha kiraŭnika dypłamatyi Radasłava Sikorskaha «Polšča moža być lepšaj» (Polska może być lepsza). U joj aŭtar analizuje pazicyju Polščy na mižnarodnaj arenie. U adnym z raździełaŭ Sikorski raspaviadaje pra svoj vizit u Miensk i pieramovy z Alaksandram Łukašenkam, paviedamlaje «Biełsat».
Sustreča Alaksandra Łukašenki i Radasłava Sikorskaha adbyłasia napiaredadni prezidenckich vybaraŭ 2010 hoda. U sustrečy taksama braŭ udzieł były ministr zamiežnych spravaŭ Niamieččyny Hida Vestervele.
«Naša jeŭrapiejskaść pabudavanaja nie tolki na talerantnym staŭleńni da nacyjanalnych mienšaściaŭ, ale i da seksualnych mienšaściaŭ», — cytuje sam siabie Sikorski. — Łukašenka pahladzieŭ na mianie jak na varjata i, vytrymaŭšy paŭzu, sa ździŭleńniem kaža: «Ale ŭ nas u Biełarusi niama nijakich seksualnych mienšaściaŭ». Polskaja i niamieckaja delehacyi pierahladajucca, i ŭžo ŭsie, chto siadzić za stałom, pačuvajucca varjatami, ale ja vyrašaju praciahvać temu i źviartajusia da jaho, jak da pacyjenta: «Spadar prezident, ja razumieju, što Biełaruś maje svaju śpiecyfiku. Ale hipatetyčna, kali takija mienšaści źjaviacca, to vy budziecie stavicca da ich talerantna?» Łukašenka hladzić to na mianie, to na Vestervele i, paśmichajučysia, kaža: «Nu, nie viedaju, nie viedaju… A… leśbijanki chaj buduć… možna navat pahladzieć. A pida***aŭ my ŭ aŭtobusy i vyvieziem za horad u reziervacyi».
Užo paśla vybaraŭ na pres-kanfierencyi dla rasiejskich miedyja Alaksandr Łukašenka nazvaŭ hetuju razmovu ź Sikorskim i Vestervele nieparazumieńniem.
«Pakryŭdziŭsia Vestervele, što ja tam vykazaŭsia, što ja nie prymaju… jak heta nazyvajecca…. hetych homa… nie, mužyk z mužykom — heta što? Homaseksualizm. Ja nie viedaŭ, česna. Mnie ministr napisaŭ, što ŭ jaho [što Vestervele hiej. — Zaŭv. Belsat.eu], ja nie dačytaŭ hetuju daviedku», — raspavioŭ Łukašenka.
Pavodle Łukašenki, kali Sikorski spytaŭ u jaho pra staŭleńnie da asobaŭ z homasieksualnaj aryjentacyjaj, jon pačaŭ razvažać na hetuju temu: «Ja i pačaŭ razvažać, što kali leśbijanstva, to my, mužyki, vinavatyja. Kali žančyna z žančynaj, to heta ciarpima. Ale, kažu, kali ŭžo hety homasieksualizm, to heta žach».
Padčas toj pres-kanfierencyi Łukašenka zajaviŭ, što nie chacieŭ nikoha pakryŭdzić. «Ja sa ździekam heta skazaŭ. Nu, i hety Vestervele siadzić pobač. Boža moj, ja kajusia da hetaha času, dumaju, chto mianie za jazyk ciahnuŭ. A jon mnie da hetaha času heta pryhadvaje. Dy ja nie pakryŭdzić jaho chacieŭ. Napramiły boh, kali jamu heta padabajecca i tam heta pryniata, ale heta za miažoju majho razumieńnia. Ja heta ščyra skazaŭ», — patłumačyŭ Łukašenka.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary