Biznesmien Bałabin: Adnaŭlu histaryčnaje abličča chaty Karatkieviča i pieradam horadu
Dom Uładzimira Karatkieviča ŭ Oršy, jaki byŭ vystaŭleny na prodaž letam 2018 hoda, nabyŭ ułaśnik «Piataha elemienta» Andrej Bałabin.
Bałabin — uradženiec Oršy. U rejtynhu samych paśpiachovych i ŭpłyvovych biznesmenaŭ Biełarusi jon zajmaje 133-je miesca.
Košt uhody — kala 10800 rubloŭ.
U kamientary «NN» biznesmen raspavioŭ, navošta jon nabyŭ hetuju chatu i što budzie ź joj rabić.
«Liču, što padtrymańnie prajektaŭ u halinie kultury — abaviazak kožnaha biełaruskaha biznesmiena. 2018 hod u Biełarusi pryśviečany małoj radzimie. Orša — horad, dzie ja naradziŭsia, tut prajšło majo dziacinstva, heta darahoje dla mianie miesca. Rady paŭdzielničać u prajekcie, jaki papularyzuje moj horad i vydatnych, talenavitych ziemlakoŭ», — raspavioŭ Bałabin.
Jon źbirajecca rekanstrujavać dom, viarnuć jamu histaryčnaje abličča.
«U maich metach — pieradać abnoŭleny dom-muziej rodnamu horadu. Płanavy termin: 26 listapada 2020 hoda da 90-hodździa z dnia naradžeńnia piśmieńnika», — udakładniŭ biznesmien.
Kamientary