Śpiecyjalny kurs padrychtoŭki dla pracy ź dziećmi «Škoła niań» adkryŭsia ŭ vieraśni ŭ sietcy centraŭ raźvićcia «Bebi-kłab» u Minsku. Kurs nakiravany na padrychtoŭku prafiesijnych śpiecyjalistaŭ, jakija zmohuć akazvać pasłuhi niań jak na pastajannaj, tak i na časovaj asnovie.
«Pa statystycy, kožnaja treciaja siamja ŭ Minsku źviartajecca pa dapamohu da niań. Byvaje, što pasłuhi patrabujucca na pastajannaj asnovie, kali aboje baćki pracujuć. Ale zdarajecca, što niania patrebna čas ad času. I baćki ŭ aŭralnym režymie šukajuć čałavieka, jaki «pahladzić» za dziciom: źviartajucca pa dapamohu da babulaŭ-dziadulaŭ, siabrovak, mamaŭ inšych małych… Prafiesijnych śpiecyjalistaŭ pa dohladzie dziaciej vielmi mała — heta deficyt u Biełarusi. My płanujem, što «Škoła niań» dapamoža vypravić situacyju», — adznačajuć u «Bebi-kłabie».
Dla taho, kab stać słuchačom kursa, nieabchodna mieć piedahahičnuju abo miedycynskuju adukacyju. U prahramie navučańnia sposaby pracy ź dziećmi pa aŭtarskich mietodykach, mietadzie Maryi Mantesory, TRVZ piedahohiki. Asablivaja ŭvaha nadajecca asnovam miedycynskaj padrychtoŭki, jakuju čytaje doktar-piedyjatr. Navučańnie ŭ škole składaje 12 akademičnych i 12 praktyčnych hadzin. U kancy navučańnia vydajecca siertyfikat.
Akramia «Škoły niań», sietka centraŭ dziciačaha raźvićcia «Bebi-kłab» zapuściła pasłuhu «Jość niania!», aryjentavanuju na baćkoŭ dziaciej roznych uzrostaŭ. Niepasredna niani pryhladajuć za niemaŭlatami i daškolnikam, hulajuć i raźvivajuć dziaciej. Bebisitary dapamohuć pahladzieć za školnikami, zavieści na treniroŭku, zabrać paśla škoły abo hurtkoŭ. A huviernior dadatkova da nahladu prapracuje sa školnikami chatniaje zadańnie, projdziecca pa projdzienym materyjale, prybiare prabieły ŭ viedach.
Usie abaviazki ahavorvajucca ŭ indyvidualnym paradku z ulikam patrebaŭ i ŭzrostu kožnaha dziciaci.
Cichanoŭski raskazaŭ, što treba było rabić u žniŭni 2020-ha62
Kamientary