U Polščy pačali źbirać srodki na lačeńnie Hienka Loski. U traŭni ŭ muzyki zdaryŭsia masiŭny insult. Čaćviorty miesiac jon znachodzicca ŭ Biełaaziorsku, paviedamlaje Radyjo Svaboda sa spasyłkaj na vydańnie Dziennik.
Hienek Loska (Hienadź Łoska) — viadomy polski rok- i bluz-vykanaŭca biełaruskaha pachodžańnia. Jon staŭ viadomym paśla pieramohi ŭ muzyčnym šoŭ X-Factor u 2011 hodzie. Vydaŭ try albomy. Jahony druhi dysk Hazardzista atrymaŭ zvańnie załatoha.
U traŭni jon pryjechaŭ u Biełaruś, kab naviedać mamu ŭ Biełaaziorsku. 5 traŭnia ŭ jaho zdaryŭsia insult.
Ad taho času Łoska u komie. Jaho dahladajuć svajaki ŭ Biełaaziorsku. Kormiać jaho praz zond, a dychaje dziakujučy trachiejatamii. Pavodle polskaj hazety, jon čuje, reahuje na dotyki, słovy, infarmacyju, prysutnaść blizkich.
Łosku chočuć zabrać u Polšču, ale lekary pakul nie dali jasnaha adkazu, kali heta moža adbycca. Polski muzyčny fond pačaŭ źbirać hrošy na apieku nad muzykam.
Kamientary