Žančynu zvolnili za toje, što jana admoviłasia apranać stanik na pracu
25-hadovaja žycharka Kanady Kryścina Šeł apynułasia ŭ centry skandału, što razhareŭsia na hlebie stanika, jaki žančyna admoviłasia apranać.
Kryścina pracavała ŭ holf-kłubie horada Osujus aficyjantkaj. Usio išło dobra da momantu, kali piersanału razdali novyja praviły dres-koda. Praviły abviaščali, što «žančyna pavinna nasić pad formaj albo stanik, albo majku». A Kryścina voś užo niekalki hadoŭ jak admoviłasia ad stanikaŭ.
Kali ž dziaŭčyna źviarnułasia da načalstva z prośbaj patłumačyć dziŭny punkt (u rešcie rešt, u anałahičnaj instrukcyi dla mužčyn pra majki niama ni słova), joj paviedamili, što jon uklučany ŭ instrukcyju «dla jaje ž ułasnaj biaśpieki».
Inakš kažučy, kali dziaŭčyna sustreniecca z padvypiŭšym siabram holf-kłuba i jon zaŭvažyć, što jana biez stanika… Dziaŭčyna budzie ŭ hetym «vinavataja sama».
Padobny adkaz razzłavaŭ Kryścinu. «U mianie jość smočki, ale i ŭ mužčyny jany jość», — paskardziłasia Kryścina kanału CBC News.
Na žal, fieminisckaja reakcyja Kryściny nie była acenienaja kiraŭnictvam. Paśla taho, jak dziaŭčyna zajaviła, što i pad stracham zalacańnia nie nadzienie stanik, jaje zvolnili.
Kryścina tut ža abzaviałasia advakatam i padała na restaran holf-kłuba ŭ sud Kanady pa pravach čałavieka.
U dadzieny momant jaje zapyt razhladajecca.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary