Arhanizatary siamiejnaha filma «Moj siabar žyrafa» padrychtavali pryjemny siurpryz naviednikam: kožny dzicionak, jaki naviedaje premjeru filma 30 žniŭnia ŭ k/t «Maskva» atrymaje ŭnikalnuju knižku-malavanku «Moj siabar žyrafa ŭ Biełarusi».
— Film prymierkavany da pačatku navučalnaha hoda. U im raspaviadajecca ab tym, jak žyrafa Raf pajšoŭ u niderłandskuju škołu. A my prydumali historyju ab tym, jak biełaruski chłopčyk zaprašaje Rafa ŭ Biełaruś. Vyjšła cikavaja kazka-malavanka, praź jakuju dzietki daviedajucca bolš pra našuju krainu!— raspaviadaje kiraŭnik prajekta Andrej Kim.
Film «Moj siabar žyrafa» — heta niderłandski dziciačy film 2017 hoda, jaki raspaviadaje pra siabroŭstva chłopčyka Dzikieče i havarkoj žyrafy Rafa. Najlepšyja siabry płanujuć razam pajści ŭ škołu i z hetaj nahody pieražyvajuć roznyja pryhody.
Film źniaty pavodle historyi viadomaj hałandskaj kazačnicy Ani H. Šmidt i dublavany na biełaruskuju movu kampanijaj «Kinakonh» pry padtrymcy kampanii velcom u miežach prajekta «Biełaruskija Ŭikendy».
Film budzie iści ad 30 žniŭnia ŭ 15 kinateatrach Minska i ŭ kinateatry «Mir» h. Viciebska, a paźniej i ŭ astatnich rehijonach Biełarusi.
— Jašče nikoli ŭ historyi biełaruskamoŭnaje kino nie išło ŭ takoj kolkaści kinateatraŭ adnačasova — amal usie minskija kinaplacoŭki ŭziali film u prakat.— adznačajuć arhanizatary.
Kvitki možna nabyć u kasach kinateatraŭ, a taksama anłajn.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii13
Kamientary