Rasśledavańnie pa hučnaj karupcyjnaj «spravie miedykaŭ» praciahvajecca, niekatorych fihurantaŭ užo vyzvalili z-pad varty. Na volu vyjšli hałoŭny ŭrač Minskaj abłasnoj balnicy Andrej Karalko, zahadčyk endaskapičnaha adździaleńnia 9-j balnicy Andrej Saŭčanka i namieśnik dyrektara RNPC dziciačaj chirurhii Alaksandr Machlin, piša Tut.by.
«Heta praŭda, Andrej Karalko na voli. Jaho adpuścili ŭ piatnicu 3 žniŭnia», — raspavioŭ TUT.BY znajomy doktara.
Da hałoŭnaha doktara Minskaj abłasnoj balnicy Andreja Karalko ludzi ŭ cyvilnym pryjechali na pracu 20 červienia, praviali pieratrus, pasadzili ŭ aŭtamabil i pavieźli. Pravaachoŭnyja orhany spravu Karalko nie kamientavali, tolki 11 lipienia staršynia KDB Valery Vakulčyk paćvierdziŭ zatrymańnie lekara.
Na sajcie Mienskaj abłasnoj balnicy Andrej Karalko pa-raniejšamu paznačany, što jon zajmaje pasadu hałoŭnaha doktara, adnak u pryjomnaj balnicy adkazavajuć, što Karalko ŭ ich ciapier nie pracuje.
Z-pad varty vyzvaleny i namieśnik dyrektara RNPC dziciačaj chirurhii Alaksandar Machlin. U pryjomnaj hałoŭnaha doktara RNPC paviedamlajuć, što «jon ciapier nie namieśnik dyrektara i nie adkazvaje za administracyjnuju dziejnaść. Z 23 lipienia jon zvyčajny dziciačy doktar-chirurh».
Paśla vyzvaleńnia na pracu ŭ 9-ju balnicu viarnuŭsia i zahadčyk endaskapičnaha adździaleńnia Andrej Saŭčanka. U balnicy paćvierdzili, što Saŭčanka praciahvaje pracavać, a voś zatrymany hałoŭny ŭrač Valery Kušniarenka ŭ svajo kresła nie viarnuŭsia.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary